Gruaja refuzon te ktheje 1.2milion dollare

Një ish-dispeçere e Sherifit në një periferi të New Orleans është arrestuar, e akuzuar për refuzimin për të kthyer më shumë se 1.2 milionë dollarë që ishin depozituar aksidentalisht në llogarinë e saj të brokerimit, thanë autoritetet.

Kelyn Spadoni, 33 vjeçe, u mor në paraburgim të mërkurën me akuza të vjedhjes së vlerësuar mbi 25,000 dollarë, raportojnë sherbimet bankare dhe per transmetimin e paligjshëm të fondeve monetare, njoftoi NOLA.com . Raportet thanë se ajo u shkarkua nga zyra e Sherifit Jefferson pas arrestimit të saj.

Spadoni po mbahet në Qendrën Korrektuese të Jeffersonit në një lidhje prej 50,000 dollarë. Ishte e panjohur nëse ajo ka një avokat që mund të fliste në emër të saj.

Spadoni akuzohet pasi ka lëvizur menjëherë fondet në një llogari tjetër dhe përdorur disa nga paratë për të blerë një makinë të re dhe një shtëpi, thanë autoritetet.

“Votoni ndryshimin”/ Yuri Kim sqaron urgjentisht deklaratën

Ambasadorja amerikane në Shqipëri, Yuri Kim është shqetësuar nga titujt e mediave pas një interviste të saj lidhur me zgjedhjet në Shqipëri. Kim ka sqaruar deklaratën e saj në rrjetin social të Tëitter-it, duke u shprehur se SHBA nuk mbështet asnjë parti apo kandidat të veçantë. Sipas saj, SHBA-të paralajmërojnë vetëm ata që duan të blejnë votat e qytetarëve për të ndërhyrë në rezultatin e zgjedhjeve

Po shoh disa tituj të pavërtetë. Ju lutemi shikoni të gjithë intervistën. Shtetet e Bashkuara NUK mbështesin ndonjë kandidat ose parti të veçantë. SHBA mbështet të drejtën e qytetarëve për të bërë të ditur vullnetin e tyre përmes votës së tyre. SHBA paralajmëron kundër atyre që e mohojnë këtë të drejtë duke blerë vota ose duke frikësuar votuesit,” – shkruan Kim.


Mbrëmjen e së martës në emisionin “Përballë” në RTSH ajo është shprehur se 25 prilli është momenti kur shqiptarët të tregojnë se janë kundër kriminelëve dhe të votojnë për ndryshimin.

“Shqiptarët që takoj kudo në vend më thonë se iu ka ardhur në majë të hundës nga korrupsioni; iu ka ardhur në majë të hundës nga pandëshkueshmëria; iu ka ardhur në majë të hundës nga kriminelët që ulen në parlament. Epo, ky është momenti. Ma tregoni me veprime, tregojeni me veprimet tuaja se e keni seriozisht.

Nuk mund të ndodhë që më kërkoni opinionin tim si Shtetet e Bashkuara, unë jua jap dhe pastaj ju vazhdoni të bëni të njëjtën gjë. Nëse doni ndryshim, votoni për ndryshim. Nëse doni kriminelë, votoni për kriminelë. Por ajo që bëni duhet të përputhet me atë që thoni se doni. Dhe 25 prilli është momenti,” – tha Kim. ©LAPSI.al

Ndërpritet mbledhja e Këshillit të Sigurimit, Rusia kërkon heqjen e flamurit të Kosovës

Seanca e Këshillit të Sigurimit të Kombeve të Bashkuara për Kosovën ka filluar me tensione.

Në mblëdhjen virtuale që u zhvillua ditën e sotme udhëheqësi i seancës nga Rusia kërkoi që ministrja e Jashtme Donika Gërvalla të heq flamurin e Kosovës mbrapa saj.

“Ne nuk jemi kundër ndaj përfaqësuesve të Kosovës, megjithatë dua të ndaj faktin që zonja Donika Gërvalla është ulur para flamurit të Kosovës. Kosova nuk është e njohur si shtet i pavarur, prandaj kërkojmë që për të vazhduar prezantimin ajo ose të ndryshojë ambientin, ose të heq flamurin”, tha përfaqësuesi rus. Por përfaqësuesi i Rusisë është kundërshtuarnga Britania e Madhe duke thënë se nuk ka asnjë arsye që kryediplomatja kosovare të ndryshojë pamjen nga ku do të prezantojë.

“Ky nuk është një takim zyrtar dhe ne nuk shohim ndonjë arsye që ministrja Gërvalla të ndryshojë pamjet mbrapa për të vazhduar prezantimin”, tha përfaqësuesi i Mbretërisë së Bashkuar.

Presidenti i Këshillit të Sigurimit të OKB-së ka pezulluar mbledhjen e hapur virtuale për Kosovën për të vazhduar konsultimet në një mbledhje të mbyllur pas kërkesës së Rusisë.

“Përpjekjet e FSHF për kthimin e tifozëve janë refuzuar”: Duka ngre zërin në Komitetin e Stadiumeve dhe Sigurisë së UEFA-s

Shpresonte shumë të paktën në kthimin e tifozëve për ndeshjen kualifikuese për Botërorin Katar 2022 në mars kundër Anglisë. E megjithatë, edhe atëherë asgje nuk ndodhi. Presidenti i Federatës Shqiptare të Futbollit, Armand Duka, njëherësh anëtar i Komitetit Ekzekutiv të UEFA-s, bëri një referim mbi gjendjen aktuale të aktiviteteve futbollistike në vendin tonë, ku theksoi se futbolli në Shqipëri ka qenë aktiv në të gjitha nivelet përtej pandemisë. Sezonin e shkuar, FSHF arriti të përmbyllë rregullisht ҫdo garë kombëtare si në nivel profesionist ashtu dhe në atë amator. Duka theksoi se ka pasur një përpjekje të vazhdueshme nga Federata e Futbollit për kthimin e tifozëve në stadium edhe në masën 30%, por këto përpjekje të institucionit të futbollit janë refuzuar nga autoritetet qeveritare.

Plagosja e trefishtë në Mamurras, shoqërohen dy vëllezërit Fufi

Zbardhen detaje nga plagosja e 3-fishtë në Mamurras. Në automjetin ishin duke udhëtuar tre persona, Nikoll Vokrri (Besimir Fufi) që ngeli i plagosur, Ndue Zefi(Gega) që është shpallur në kërkim, dhe një prej vëllezërve Fufi, janë të afërm ish-deputetit Mhill Fufit. News 24 raporton se nuk dihet se cili prej vëllezërve ka qenë në automjet, Gjon apo Rudolf Fufi, por ata të dy janë shoqëruar në komsiarit, i pari u kap në Tiranë kurse i dyti në Laç. Ndërkohë nga pala tjetër mbetën të plagosur dy efektivët Ilir Zeka dhe Flamur Lleja. Sipas Policisë, të shtënat erdhën nga një polic që aksidentalisht plagosi me armën e shërbimit dy kolegët e tij dhe Nikoll Vokrrin.

Basha: Do të hapim negociatat me BE-në në 100 ditët e para të mandatit

Kreu i Partisë Demokratike, Lulzim Basha tha se brenda 100 ditëve të para të mandatit qeverisës do të hapen negociatat me Bashkimin Europian.

Basha kujtoi edhe kohën kur premtoi heqjen e vizave, pas plotësimit në kohë rekord të 150 kushteve.

A do jemi pjesë e Bashkimit Europian brenda mandatit të parë?

Basha: Unë ju garantoj që brenda 100 ditëve të para ne do të hapim negociatat. Ne do të hapim negociatat dhe më vjen mirë që si kudo tjetër edhe këtu ju e prisni këtë me optimizëm dhe me besim.

Kur kemi qenë prap bashkë në një takim në Kavajë dhe ju thash që do të heqim vizat nuk ka qenë ky reagim. Ra heshtja. Disa ulën kokat dhe jam i sigurtë që menduan ‘kjo nuk ka për të ndodhur’, ‘ça po na thotë zoti Basha, do heqim vizat, ëndërr e pamundur’ dhe ja ku jemi. Për këtë merita është e çdo shqiptari dhe në veçanti e atyre që i bëjnë realitet fjalët e dhëna.

150 kushte për të hequr vizat dhe i plotësuam në një kohë rekord se ne e ndjenim se çfarë peshe e rëndë ishte kjo për çdo familje shqiptare.

PS nuk ndalet me përgjimet/ “The Guardian zbulon skandalin e manipulimit të të dhënave në Facebook

Vetëm një ditë pasi Lapsi.al publikoi lajmin e bujshëm mbi listën sekrete që Partia Socialiste ka përpiluar duke gjurmuar votuesit dhe duke zbuluar të dhëna konfidenciale të tyre, gazeta prestigjoze “The Guardian” ka publikuar një investigim të gjatë që përqëndrohet në mënyrën se si liderë të ndryshëm në vendet e botës së tretë e përdorin rrjetin social Facebook për të manipuluar dhe sulmuar qytetarët e tyre.

“The Guardian” zotëron disa dokumente që tregojnë si Facebook i ka trajtuar 30 raste mashtrimi në rrjetet sociale të kryera në 25 vende të ndryshme, mes tyre edhe Shqipëria. Hetimi tregon se si Facebook ka lejuar abuzime të mëdha në platformën e saj që të ndodhin në vendet e varfëra, të vogla dhe joperëndimore në mënyrë që t’i jepet përparësi adresimit të abuzimeve që tërheqin vëmendjen e medias në shtete si SH.B.A. apo dhe vendet e tjera të pasura. Ndërkohë në vende “irelevante” si Iraku, Mongolia, Meksika apo edhe Shqipëria, që është reshtuar me vende që kanë liderë autokratë si Afganistani apo Hondurasi, abuzimet në kuadrin politik vijojnë.

“Në mënyrë që të manipulohet debati publik, në FB janë krijuar ato që njihen si “angazhime” të rreme që i referohen pëlqimeve, komenteve, shpërndarjeve dhe reagimeve nga llogari fallco në Facebook”, shkruan Guardian.

Këto të dhëna, që mendohet se janë vetë një pjesë e vogël e mijëra shkeljeve të pazbuluara, janë bërë publike nga Sophie Zhang, një ish-eksperte e të dhënave në kompaninë Facebook. Përpara se të largohej nga detyra, Zhang dërgoi një shkresë me 7800 faqe ku përshkruheshin përpjekjet e qeverive të ndryshme që abuzonin në një shkallë të gjerë me platformën e FB për të manipuluar qytetarët e tyre.

Një ndër rastet e përmendura në artikullin e “The Guardian” është dhe ai i Shqipërisë ku thuhet se skuadra e inteligjencës së Facebook është sinjalizuar për shumë llogari të rreme të krijuara enkas për të mbështetur një lider politik në Shqipëri.

“Një hetues i inteligjencës në Facebook gjeti prova se në rrjetet sociale po prodhoheshin komente jo të vërteta nga disa individë pjesë të qeverisë shqiptare. Megjithatë Facebook nuk ndërmori asnjë veprim dhe çështja u rrëzua,” shkruan Guardian.

Agonia e 25 prillit ka përpirë politikanët e vendit që janë duke bërë përpjekje për të siguruar dëshpërimisht një mandat të radhës, në një mënyrë apo në një tjetër. Partia Socialiste duket se nuk është mjaftuar  me serinë e përgjimeve joetike dhe të paligjshme ndaj qytetarëve dhe ka marrë masa të tjera për të siguruar manipulimin dhe nënshtrimin e votuesve shqiptarë.

Pre e truqeve elektorale të PS-së duket se ka rënë edhe rrjeti më popullor social me mbi 2.8 miliardë përdorues, Facebook, i cili mbas skandalit të vitit 2016, kur agjentët rusë përdorën llogari të rreme në Facebook për të mashtruar dhe përçarë votuesit amerikanë, u zotua që do të garantonte autenticitet në diskursin politik të pothuajse çdo vendi në botë.

Burimi: The Guardian

“RECITON” DR. PIPERO NGA BELAJA

Dje me një grup analistësh të njohur, Dr. Pipero u përpoq të mbronte angazhimin e vet politik nëpërmjet spotit tashmë të njohur elektoral. Duke më bërë përshtypje shmangia e doktorit nga pyetjet e analistëve të cilat ishin kryesisht me karakter politik, i drejtova një pyetje teknike nëpërmjet moderatorit të emisionit, të cilës ai gjithashtu ju shmang.

Pavarësisht 30 minutave intensive të debatit, përsëri mbeti pa sqaruar pyetja: “Përse u shndërrua në kartë politike një nga figurat e vlerësuara të shqiptarëve të fillimit të pandemisë?!”

Në fakt, Dr. Pipero nuk është vetëm personazhi i vlerësuar mediatik, ai është edhe mjeku klinicist dhe drejtuesi i një prej reparteve të spitalit COVID-1, profesori i fakultetit të mjeksisë dhe pronari i një klinike private në një nga zonat luksoze të Tiranës.

Në secilin prej këtyre angazhimeve mund të fshihen edhe arsyet e vërteta të cilat mund ta kenë detyruar Dr. Piperon të bëjë një kapërcim i cili për gjithëkënd duket i pakuptueshëm.

Në spitalin ku punon Dr. Pipero ka patur vazhdimisht ankesa për trajtim jo cilësor të pacientëve, mungesë transparence dhe vdekje të larta midis pacientëve. Në këtë klinikë u denoncua nga kreu i opozitës fshehja e vdekjeve nga COVID, fshehje të cilën e provoi më vonë edhe INSTAT. Së fundi, në këtë spital pati edhe akuza për mitmarrje, përfitim përqindjesh nga recetat e fryra dhe referimet për trajtim jashtë vendit.

Nga universiteti ku jep mësim Dr. Pipero pritej lidership në përpjekjet për kontrollin e epidemisë, priteshin protokolle të përditësuara, pritej të drejtonte trajnimin e gjithë kaskadës së bluzave të bardha, nga infermierët e fshatrave deri tek profesorët e fakultetit, pritej mendim shkencor për cështje madhore si testimi, gjurmimi dhe vaksinimi.

Nga klinika private e Dr. Piperos pritej shembulli se si një operator privat duhet të sillet në kushte fatkeqësie kombëtare. Pritej të tregonte se në ekonominë e tregut fitohet por nuk spekulohet. Pritej të tregonte se jo marzhet 2 mijë përqindëshe, por ato të logjikshme duhej të ishin fytyra profesionale dhe humane e përgjigjes ndaj pandemisë.

Faktikisht, nuk e pamë Dr. Piperon të qëndronte në mbrojtje të këtyre parimeve, sikundër do t’i shkonte për shtat një qytetari nderi si ai, një personaliteti të cilit i këndojnë këngë dhe një personazhi të dashur sipas emrit të të cilit u emërtuan edhe picat e fëmijëve.

Dalja publike e Dr. Piperos u dhemb qytetarëve, jo sepse ai mori një anë politike (sepse këtë ka të drejtë ta bëjë kushdo) apo sepse ai dizinformoi duke akuzuar pa të drejtë kundërshtarët politikë me një akuzë të sajuar (sepse qytetarët kanë parë e dëgjuar akuza të falsifikuara nga më monstruozet), por sepse gjatë një viti qytetari nuk e ndjeu më Dr. Piperon pranë tij, sikundër ndodhi gjatë javëve të para të pandemisë.

Në këto kushte, ne, miqve të tij, na lind e drejta ta shohim në sy dhe ta pyesim:

Ç’bela të detyroi të “recitoje” në atë spot, miku dhe kolegu ynë?!

Nga Erion Dasho

Tenesi: 1 i vdekur, një polic i plagosur në një incident me armë zjarri

Një person ka mbetur i vdekur në një shkollë të mesme në Noksvill të shtetit Tenesi pas një incidenti me armë zjarri që la të pagosur edhe një polic, kur forcat e rendit reaguan për të vënë nën kontroll situatën.

Incidenti që u regjistrua pas orës 15 në shkollën Austin-East të hënën, ishte episodi më i fundit në një seri masakrash me armë zjarri që janë regjistruar në SHBA gjatë javëve të fundit.

Policia e Noksvillit njoftoi se mjekët thonë se polici i plagosur pritet të mbijetojë.

“Ai është i vetëdijshëm dhe me humor të mirë. E falenderova që kishte vënë jetën në rrezik për të mbrojtur nxënësit dhe personelin e shkollës. Më tha se më mirë të lëndohet ai se të tjerë,” tha për kanalin CBS News kryebashkiakja e Noksvillit, Indya Kincannon.

Hetuesit nuk kanë bërë publik identitetin e të dyshuarit apo të viktimës që humbi jetën, por thanë se të dy ishin meshkuj. Nuk është e qartë nëse viktima ishte nxënës i shkollës.

“Bazuar në hetimet paraprake, Departamenti Policor i Noksvillit shkoi në shkollën e mesme Austin-East pasi mori njoftimin se një i dyshuar mashkull ishte i armatosur në mjediset e shkollës,” tha departamenti policor përmes një postimi në Facebook.

“Kur policët iu afruan të dyshuarit, pati shkëmbim zjarri. Një polic u qëllua të paktën me një plumb dhe u dërgua në qendrën mjekësore të Universitetit Tenesi me plagë që nuk mendohet se përbëjnë rrezik për jetën. Një mashkull u deklarua i vdekur në skenën e ngjarjes, ndërsa një tjetër është ndaluar ndërsa vazhdojnë hetimet”.

Fillimisht policia kishte njoftuar se kishte “disa viktima” nga sulmi.

“Ndërtesa e shkollës është nën kontrollin e autoriteteve dhe nxënësit që nuk ishin të përfshirë në këtë incident janë kthyer pranë familjeve,” tha shefi i departamentit të arsimit për qytetin Noksvill, Bob Thomas.

Policia kishte caktuar në fushën e bejsbollit të shkollës një pikë takimi për prindërit dhe nxënësit që dilnin nga shkolla.

Në incidente të tjera javët e fundit, një person mbeti i vrarë dhe gjashtë të tjerë u plagosën në një fabrikë mobiljesh në Teksas kur një individ i armatosur filloi të qëllonte para se të arrestohej.

Ndër raste të tjera të vrasjeve në masë: tetë vetë mbetën të vrarë në një sallon masazhesh në Atlanta të Xhorxhias; 10 vetë gjetën vdekjen në një dyqan ushqimesh në Boulder të Kolorados; katër vetë, ndër ta një djalë 9-vjeçar, humbën jetën kur një individ i armatosur hapi zjarr në një zyrë të shitjes së pasurive të patundshme në Orinxh të Kalifornisë.