RREZIKU RAMA-NDRAGETIAN PER SHQIPERINE DHE MENYRA E VETME E SHPETIMIT

Nga Perparim Gjeka.

Ne vitin 2009 para zgjedhjeve te pergjithshme duke prezantuar kreun e listes dhe te fushates per qarkun e Fierit S. Olldashi, Sali Berisha kryeminister tregoi nje histori kur Olldashi sapo kishte marre postin e ministrit te brendshem dhe i dilte detyra te godiste krimin e organizuar qe lulezonte kudo ne vitin 2005. Per kete ishte thirrur nje mbledhje me gjithe kreret e policise dhe strukturave te zbatimit te ligjit duke u kerkuar zero tolerance. Kryeministri e kishte mbyllur mbledhjen me fjalet: Keni gjithe mbeshtetjen time dhe vetem me thoni hapur se ca ndihme kerkoni. Pas nje hezitimi dikush nga salla kishte kerkuar asgje tjeter pervec mos nderhyrje nga Kryeministri dhe ministri per lirim pas arrestimeve te tyre, duke u mbeshtetur ne kete pike edhe nga te pranishmit e tjere. Ky episod flet shume per rolin vendimtar te te parit te qeverise ne lidhje me krimin ne Shqiperi dhe per goditjen selektive qe i behet atij. Sipas kesaj logjike ky episod tregon se cfare arritjesh mund te kete pasur tete vjet kohe ky kryetar qeverie te rrise krahun e tij te te inkriminuarve ne te gjithe vendin, te godase ata qe nuk i binden dhe te ndihmoje ata qe i duhen.

Ky episod shpjegon pse policia dhe organe te tjera te zbatimit te ligjit nuk kane fuqine e as nje prokurorie province ne Itali dhe ku qendron fuqia e vertete.

Nga ana tjeter Rama eshte i pari kryetar bashkie i Tiranes qe perkoi me bumin e ndertimeve ne kryeqytet nga njerezit me te pasur dhe i perfoluri i pare per 20% e famshem te lejeve te ndertimit (vertetuar edhe nga pergjimet e Ndragetas se fundmi se akoma ekziston), ne kete pozicion per 11 vjet rresht nga ku kuptojme fuqine e tij ekonomike dhe lidhjet e ngushta me ata me fuqine ekonomike me te madhe ne vend ose oligarket, simbioze qe u forcua ne tete vitet e fundit me favorizimin e forcimin e me te bindurve dhe eleminimin e te pabindurve ndaj tij. Operacioni i fundit i OFL i dha doren e fundit ketij operacioni edhe nese ai ishte i rrezikuar nga ndonje segment i fuqishem jashte kontrollit te tij.

Keshtu qe me perqendrimin e fuqise ekonomike, kriminale dhe politike ne doren e nje personi me fuqi te plotfuqishme, bie poshte miti se ne Shqiperi veprojne forca okulte qe levizin fijet e politikes sic mund te kete qene deri para 2017es. Me kete fuqizim shpjegohen shume fenomene; nenshtrimi dhe heshtja e medias dhe trajtimi arrogant i gazetareve me shtypje zeri si te ishin miza ne fytyre, mbytja e zerit ose blerja e opozites, koncesionet me vlera shume me te larta edhe se ne vendet perendimore per te njejtin vellim punimesh, rritja e numrit te punonjesve te policise dhe shteti policor, shuarja e te gjitha protestave qe nga e naftetareve, e Teatrit e deri te studentet, e deri te shkembimi i gjakut te nje te vrari nga policia me nje rrenje ulli.

Rrjedhimisht, eshte naive te kerkojme shpetim nga ndryshimi i mendjes se atyre qe i sherbejne ketij pushteti ose perfitojne prej tij, eshte naive te kerkojme shpetim nga masa e gjere e popullit te frikesuar ne palce nga forca e perqendruar shteterore, kriminale dhe ekonomike, eshte naive te kerkojme shpetim vetem grupet e interesit me ne krye ata qe shiten apo blihen ne mos me nje apartament, me nje milion dollare, ne mos me 1 me 10, sepse 10 milion dollare per nje makineri qe posedon dhjetera ne mos qindra miliarde dollare nga te gjitha aktivitetet e nje shteti mafioz eshte si njeqind lekeshe per xhepin e nje nepunesi me rroge nje milion.
Eshte naive te besojme se shpetimi do vije nga parti te reja krijuar nga individe apo grupe individesh pa backgroundin e duhur per te krijuar fryme ndryshimi.
Eshte naive te besojme se shpetimi do te vije edhe vetem nga opozita e bashkuar, pa pushtet qendror e lokal, pa fuqi ekonomike dhe kriminale te krahasueshme me pushtetin, me figura te konsumuara qe nuk ngjallin shpresen e ndryshimit dhe rotacionit.

Rotacioni kerkon fryme te tille qe edhe shume socialiste te mos duan te votojne siglen e tyre, sepse kane nje obsion me te mire, ndryshimi kerkon fryme te tille qe edhe demokratet te mos duan te votojne te njejtat fytyra se kane nje alternative me te mire, rotacioni kerkon qe elektorati gri te mos jete i detyruar te votoje ose nje alternative te keqe ose nje akoma me te keqe, por nje me te mire. Rotacioni kerkon te mos figurojne figura te perfolura per mashtrim, lidhje me krimin, ryshfet ne lista. Rotacioni kerkon qe PS te mos dale parti e pare edhe nese nuk i merr e vetme 71 deputete, sepse i jepet e drejta te formoje qeverine dhe e blen njeren prej partive ose blen votat qe i duhen ne Kuvend qofte edhe me 1 miliard dollare. Keshtu qe rotacioni kerkon nje LISTE TE PERBASHKET OPOZITARE, lista plotesisht te hapura me perfaqesues nga te gjitha sensibiletet qe kane bere opozite keto kater vjet. Rotacioni kerkon mbi 80% e votuesve te preferojne rotacion. Rotacioni kerkon qe kete nisme ta marre Partia Demokratike si opozita e pare qe rrezoi diktaturen, si opozita qe eshte paguar me taksat tona gjysmen e tranzicionit, dhe si opozita qe duhet te provoje me kete hap se NUK eshte e kapur nga fuqia e plotfuqishme.

Ne kete liste me 140 vete ne zgjedhjet e 25 prillit duhet te perfshihen: kryetaret e gjithe partive politike qe kane bere opozite publike me pushtetin e perfaqesues te tyre ne raport te drejte me votat e marra ne 2017, perfaqesues te gjithe atyre qe kane organizuar greva e demonstrata gjate kater viteve te fundit, perfaqesues te medias qe kane bere opozite te pakompromis me pushtetin, perfaqesues te grupeve te interesit dhe sindikatave si nafta, miniera, bujqesia, turizmi, fasonet, etj., perfaqesues te diaspores se organizuar ne grupe interesi dhe shoqata qe kane bere opozite te dokumentuar, zera te fuqishem publike qe kane mbajtur gjalle opozitarizmin, perfaqesues nga inteligjencia ekselente si shqiptaret me te arrire ne bote ne fusha te shkences, artit, ekonomise dhe arsimit, e te tjera sensibilitete opozitare e atdhetare.
Nese kete nisme nuk e merr PD duke kerkuar voten e te gjitheve, sepse po perfaqeson realisht te gjithe, ajo provon se vendos interesat e saj partiake mbi interesin kombetar minimalisht dhe se maksimalisht eshte e shitur te i plotfuqishmi i lagjes se Europes me emrin Shqiperi dhe nuk ka te drejten morale te kerkoj voten e te gjithe opozitareve. Dikush tjeter duhet ta marre kete iniciative kombetare.

Ne kete kohe pandemie, nuk do kemi tjeter shprese pervec vetes, bota eshte e zene me covid e vaksina duke na lene ne meshiren e Erdogan, Vucic, Micotaqis per vaksina politike, si nje geto te Ndragetas.

U nis për në punë në spitalin e Fierit se ishte infermier/ Ky është 30-vjeçari që dha shpirt në mes rrugës, ia mori kamioni makinën para

Një aksiden tragjik u shënua mëngjesin e sotëm në Fier. Një 30-vjeçar, i cili drejtonte automjetin tip “Benz”, u përplas me një kamion, e për pasojë humbi jetën. Viktima është identifikuar si Klement Basha dhe ishte nisur për në punë. Ai punonte si infermier në spitalin e Fierit.

Njoftimi i policise fier

Sot rreth orës 06:20, në aksin rrugor Fier-Patos, në vendin e quajtur “Portëz”, shetasi K. B., 30 vjeç, banues në Fier, duke drejtuar automjetin tip “Benz” është përplasur me kamionin me drejtues shtetasin B. S., 52 vjeç, banues në Fier. Si pasojë e përplasjes ka gjetur vde kjen drejtuesi i automjetit tip “Benz” shtetasi K. B. Eshtë shoqëruar në Komi sariat drejtuesi i kamionit, shtetasi B. S dhe po kryhen veprimet procedurale.

Kosovë: Certifikohet lista zgjedhore e lëvizjes Vetëvendosje por pa Albin Kurtin

Në Kosovë, Paneli Zgjedhor për Ankesa dhe Parashtresa, refuzoi kërkesat e partive politike për t’i certifikuar pjesëmarrjen në zgjedhjet e parakohshme parlamentare të 14 shkurtit të kandidatëve që janë të dënuar për vepra penale gjatë tri viteve të fundit.https://www.facebook.com/plugins/post.php?href=https%3A%2F%2Fwww.facebook.com%2Fpzap.ks%2Fposts%2F1555077084702568&width=500&show_text=true&height=313&appId

Ky panel tha se ka certifikuar të gjitha subjektet politike që kanë ngritur ankesa por jo edhe kandidatët e dënuar.

Në një njoftim të këtij paneli, thuhet se ai ka vërtetuar vendimin e Komisionit Qendror të Zgjedhjeve për mos certifikimin e kandidatëve të lëvizjes Vetëvendosje: Albin Kurti, Albulena Haxhiu, Liburn Aliu, Bajram Mavriqi dhe Labinotë Demi Murtezi dhe se ata sipas vendimit nuk mund të zëvendësohen me kandidatë tjerë.

Paneli Zgjedhor për Ankesa dhe Parashtresa ka refuzuar që të certifikojë 12 kandidatë për deputetë të Nismës Socialdemokrate: Vesel Krasniqi, Besnik Berisha, FIlloreta Bytyçi, Valentina Alijaja, Xhafer Berisha, Aziz Thaçi, Musa Fetahaj, Hasime Daka, Fatmir Gërdellaj, Vehbi Avdullahaj, Endrit Shala dhe Adrian Nokaj.

Po ashtu paneli ka refuzuar certifikimin e katër kandidatëve për deputetë të listës zgjedhore të Aleancës për Ardhmërinë e Kosovës. Shemsedin Dreshaj, Gani Dreshaj, Rrahim Ajeti dhe Shqipe Kastrati.

Mos certifikimi i kandidatëve të partive politike është bërë në bazë të nenit 29 të ligjit për Zgjedhjet e Përgjithshme, i cili përcakton përshtatshmërinë e kandidatëve për t’u certifikuar.

PZAP tha se “dispozita ligjore e nenit 29 të ligjit për Zgjedhje të Përgjithshme me vendimin e Gjykatës Kushtetuese është fuqizuar në atë masë sa që tani një dispozitë e tillë rangohet në normë kushtetuese apo standard kushtetues”.

Ky kriter u vendos pas aktgjykimit të Gjykatës Kushtetuese për vlefshmërinë e votës së qeverisë në largim. Debatet rreth kandidaturave ishin përqendruar kryesisht tek zoti Kurti, pasi që në muajin shtator të vitit 2018, Gjykata e Apelit vërtetoi një vendim të muajit janar të atij viti, që dënoi zotin Kurti dhe tre deputetë të lëvizjes Vetëvendosje për hedhjen e gazit lotsjellës në Parlamentin e Kosovës.

Biden deklaron dhe blerjen e 200 milion vaksinave te tjera

Joe Biden: The President | The White House

(CNN) Presidenti Joe Biden njoftoi një seri masash të Martën që synojnë rritjen e shpërndarjes dhe shpërndarjes së vaksinave koronavirus, duke përfshirë blerjen e 200 milion dozave të tjera të vaksinave dhe rritjen e shpërndarjes në shtete me miliona doza javën e ardhshme.

Me ato doza shtesë, Biden tha se do të kishte mjaftueshëm për të vaksinuar plotësisht 300 milion Amerikanë – gati të gjithë popullsinë e SHBA – në fund të verës ose në fillim të vjeshtës.
Ai përshkroi përpjekjet për të luftuar Covid-19 si një “ndërmarrje të kohës së luftës”.
“Tani kemi një strategji kombëtare për të mposhtur Covid-19. It’sshtë gjithëpërfshirëse. Ajo bazohet në shkencë, jo në politikë. Bazohet në të vërtetën, jo në mohim dhe është e detajuar,” tha ai.

Suedia ndërpret pagesat ndaj Pfizerit për shkak të mosmarrëveshjes për numrin e dozave

Suedia ka ndërprerë pagesat e vaksinave për Pfizer për shkak të një mosmarrëveshjeje mbi numrin e dozave të vaksinave të dorëzuar nga kompania e barnave. Vendi po kërkon sqarime për numrin e dozave që i janë faturuar pasi Pfizer kërkoi gjashtë doza në secilën shishe.

Fillimisht u mendua se vetëm pesë doza mund të nxirreshin nga secila shishe e vogël dhe Suedia tani kërkon që Komisioni i BE dhe Pfizer të arrijnë një marrëveshje për sa doza ka në secilën shishe.

“Deri atëherë, ne i kemi thënë kompanisë që duhet të presim me faturat që janë në dispozicion derisa të kemi të qartë se çfarë zbatohet”, tha shefi i epidemiologut Anders Tegnell për Dagens Nyheter.

Pfizer Suedi nuk ka ende një reagim për çështjen.

DW: Fiaskoja e vaksinimit në Europë

BE ndodhet në drejtim të vaksinimit shumë më pas Britanisë së Madhe dhe SHBA-së. Pas problemeve organizative në fillim, tani mungojnë vaksinat. Komisioni Europian kishte porositur rreth 8 miliardë doza tek tetë prodhues. Por furnizimi vjen për momentin vetëm nga BioNTech/Pfizer dhe ky ka bërë të ditur, se prodhimi në fund të janarit reduktohet përkohësisht. AstraZeneca kërkon nga ana e saj të furnizojë vetëm 40% të sasisë së rënë dakord në tremujorin e parë. A po shërbehen shtete të tjera më mirë se BE apo BE nuk ka bërë nuk marrëveshje të mira?

Nga historia e suksesit në fiasko?

Komisioni Europian e ka paraqitur deri tani sigurimin e vaksinave si historinë më të madhe të suksesit, që u krijon në mënyrë të drejtë vendeve anëtare qasje tek vaksina. Pas njoftimeve të fundit zëdhënësi i KE, Eric Mamer u shpreh, se “ne jemi aktivë në drejtim të bashkëpunimit me sipërmarrjet mbi bazën e kontratave, që kanë nënshkruar me ne. Çështja është çfarë mund të bëjnë të gjithë aktorët që të kemi sukses.”

Të hënën një komision i BE zhvilloi bisedime me AstraZeneca për t’i kujtuar detyrimet kontraktuese. BE ka porositur 400 milionë doza të vaksinës që megjithëse të premten pritet të marrë lejen, konsiderohet si më konkurruese, më e leverdishme dhe e transportueshme. Komisionerja për Shëndetin, Stella Kyriakides u shpreh pas takimit se përgjigjet e sipërmarrjes nuk ishin të kënaqshme. “Plani i ri nuk është i pranueshëm, (…) BE ka financuar në avancë zhvillimin dhe prodhimin e vaksinës dhe do të përfitojë nga kjo.” Kontrata duhet të respektohet plotësisht, tha Kyriakides. Pas kësaj fshihet akuza, se AstraZeneca do të vazhdojë të furnizojë Britaninë e Madhe dhe do të lerë BE duarbosh. Eksperti për shëndetësinë i Parlamentit Europian, Peter Liese dyshon në shpjegimet e koncernit. “Justifikimi i dobët, se ka probleme në zinxhirin e furnizimeve, por jo diku tjetër, nuk është i besueshëm, sepse nuk ka probleme të çosh vaksinën në Britaninë e Madhe”, tha Liese.

Problemet e furnizimit si rregull

Ngushtica në furnizimi ka edhe tek Pfizer. Zëdhënësja e koncernit, Marie-Lise Verschelden tha se “për të plotësuar të gjitha kërkesat, (…) veçanërisht nga Komisioni Europian, duhet të rrisim kapacitetet e prodhimit. Kjo do të thotë, se procedura të ndryshme duhen ndryshuar, dhe kemi nevojë për furnizes të rinj. Këto ndryshime duhen miratuar. Kjo e justifikon atë që kemi vonesa.” Nga shkurti, prodhimi duhet të shtohet, siguron Pfizer.

Qeveria italiane do të hedhë në gjyq Pfizer dhe AstraZeneca për mosrespektim të marrëveshjeve. “Ne duam t’i kemi këto doza, asnjë dëmshpërblim, nuk bëhet fjalë për para”, tha ministri i Jashtëm Luigi di Maio. Italisë i duhet të shtyjë fushatën e vaksinimit me dy muaj, sipas njoftimeve. Edhe ministri francez për Europën, Clement Beaune kërkoi nga Pfizer që të “respektojë detyrimet”. Irlanda është po ashtu e zemëruar, sepse planet e vaksinimit të vendit po bëhen të pavlefshme për shkak të vonesave në furnizimin me vaksina. E njëjta gjë vlen edhe për Suedinë, Norvegjinë, dhe vendet europianolindore.

Lidhur me vaksinën Moderna, që është zhvilluar në SHBA, një konsorcium prej tre koncernesh farmaceutike zvicerane e të tjerë do të marrë përsipër prodhimin në Europë. Zhvilluesit e vaksinës nuk kanë prodhuar ndonjëherë vaksina në përmasa të tilla. Edhe këtu priten vështirësi në prodhim dhe në furnizim.

Presion, po si?

Ekspertja e shëndetësisë dhe eurodeputete e Të Gjelbërve, Jutta Paulus, thotë, se me zhvillimin e vaksinave u ec më shpejt, se sa pritej, por koncernet nuk kanë kapacitetet e duhura prodhuese. Edhe tek vaksinat mbi bazën e mRNA-së (Pfizer dhe Moderna) ngritja e kapaciteteve prodhuese nuk ecën aq shpejt. “Janë procedura komplekse të reja, ka rregulla strike për prodhimin dhe të punësuarit duhet edhe të kualifikohen për këtë.” Eurodeputetja nuk e sheh problemin për këtë situatë tek Brukseli. “AstraZeneca duket që ka marrë një shumë 3 shifrore milionëshe për të prodhuar menjëherë dhe që para dhënies së lejes. Nëse ata nuk i mbeten kontratës, ky nuk është faji i Komisionit Europian.” Duhet pyetur, pse vazhdon të furnizohet Britania e Madhe.

Sipas Paulus liçencat për vaksinat duhet të kthehen në të mira publika. “Tani duhet të ketë liçenca të ndara, sepse vaksinat janë subvencionuar me fonde publike.” Vende si India apo Afrika jugore të tregojnë se si mund të bëhet; ato prodhimin e ilaçeve kundër Sidës e morën vetë në dorë. Për këtë duhet të zhdëmtohen zhvilluesit e vaksinës. Por a kanë ide të tilla radikale një shans në Bruksel? Nga qendra e Europës dëgjohet, se për momentin ky nuk është opcion, por nuk përjashtohet. Me këtë BE ka me siguri një mjet të fortë presioni në dorë për të detyruar koncernet farmaceutike të ndërrojnë rrugë. /DW

Pedagogu ne Elbasan hidhet nga kati i 7-të dhe…..

Zbardhet identiteti i personit i cili u hodh nga kati i 7-të i pallatit ku banonte në Elbasan.Mësohet se bëhet fjalë për shtetasin Jakov Oga, pedagog në Universitetin e Elbasanit, i cili ishte i infektuar me Covid-19 dhe po merrte mjekim në banesën e tij. Por, për shkak të gjendjes së rënduar psikologjike, ai ka tentuar t’i japë fund jetës.65 vjeçari fatmirësisht ka mundur të jetojë pasi ka rënë në tarracën e një fast food-i, në pronësi të shtetasit Ilir Zekthi nga Belshi në fund të pallatit. Forca të shumta policie dhe ambulanca kanë shkuar menjëherë në vendngjarje dhe e kanë dërguar në spital pedagogun Oga.Duke qenë se fast food-i ishte i mbyllur, ka detyruar forcat e policisë që të thyejnë xhamat e tij dhe të futen brenda për të shpëtuar banorin që ishte hedhur nga kati i 7-të i pallatit.

DEL FOTO:Kjo është infermierja që i vodhi 200 mijë lekë nga portofoli dhe 600 mijë nga karta e bankës, pacientit qe vdiq nga covid

Një tjetër episod i turpshëm raportohet se ka ndodhur në Spitalin Covid-1 në Tiranë, ku një infermiere është arrestuar nga policia pasi i ka marrë një pacienti të vdekur nga llogaria e tij bankare një shumë prej 60 mijë lekësh të rinj. Rasti e zbuloi djali i viktimës që bëri edhe denoncimin në polici.

Infermierja e ndaluar, siç shikohet edhe në foto, është Ronida Hysa.

Denoncimi u publikua në emisionin Stop, ku djali i viktimës deklaronte se babai i tij ishte vjedhur, pasi kishte ndërruar jetë.

Po ashtu, mësohet se ajo ka tërhequr tre herë para, nga 20 mijë lekë të reja në secilin rast. Hysa e pranoi autorësinë, por nuk ka dhënë asnjë lloj argumenti.Kallëzimi është bërë disa ditë më parë nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë.Në bazë të provave filmike ka rezultuar se edhe shuma e parave është tërhequr nga shtetasja Roniada Hysa, infermiere në spitalin infektiv, e cila ka pranuar autorësinë e ngjarjes.Ronida Hysa, fillimisht e ka nisur karrierën në spitalin e Durrësit dhe më pas është transferuar në Tiranë.

Senati gati të votojë për konfirmimin e Sekretarit të ri të Shtetit, Antony Blinken

Antony Blinken gjatë seancave dëgjimore

Senati i Shteteve të Bashkuara voton të martën për emërimin e zotit Antony Blinken në postin e sekretarit të shtetit.

Gjatë një seance dëgjimore javën e kaluar, zoti Blinken tha se është i gatshëm të përballet me sfidat e ngritura nga Kina, Irani, Rusia dhe Koreja e Veriut.

Ai tha se Kina “përfaqëson sfidën më domethënëse” ndaj interesave kombëtare të Shteteve të Bashkuara, ndërsa vuri në dukje se ekziston edhe hapësira për bashkëpunim.

“Ka përplasje në rritje në këtë marrëdhënie; sigurisht konkurruese dhe megjithatë disa edhe bashkëpunuese, kur është në interesin tonë të përbashkët”, shtoi ai.

Zoti Blinken gjithashtu u zotua të ngrejë sërish moralin në Departamentin e Shtetit dhe trupin diplomatik. Zoti Blinken tha se ai e percepton pozitën amerikane jashtë vendit si një vend-udhëheqës që mbështetet tek “modestia dhe vetëbesimi”.

Zoti Blinken ka qenë zëvendës sekretar shteti gjatë administratës Obama dhe ka lidhje të ngushta me Presidentin Joe Biden. Ai ishte drejtor i stafit për Komisionin e Marrëdhënieve me Jashtë të Senatit, në periudhën kur zoti Biden kryesonte këtë panel, dhe më vonë u bë këshilltar i sigurisë kombëtare për ish-Nënpresidentin Biden.

Komisioni i Marrëdhënieve me Jashtë e miratoi kandidaturën e zotit Blinken me 15 vota pro dhe 3 kundër, duke e dërguar kështu për miratimin përfundimtar në Senatin e plotë.