Zaev do të tërhiqet nga politika/ ‘Në Ballkan liderët kthehen në autokrat’

Kryeministri i Maqedonisë së Veriut Zoran Zaev ka paralajmëruar largimin nga politika pas përfundimit të mandatit. Në një intervistë për mediat serbe, Zaev u shpreh se një kryeministër në Ballkan nuk duhet të qëndrojë më shumë se 2 mandate, pasi në të kundërt ekziston rreziku që mund të bëhet autokrat.

Kryeministri i Maqedonisë së Veriut, Zoran Zaev ka paralajmëruar një tërheqje të mundshme nga politika. Lajmi është publikuar nga mediat serbe Kurir, ku gjatë një interviste, Zaev ka thënë se pas tre viteve do të tërhiqet nga politika. Sipas asaj që Zaev ka thënë në këtë intervistë, një kryeministër në funksion duhet të qëndrojë të paktën dy mandate, në të kundërtën sipas tij ekziston rreziku që kryeministri të bëhet autokrat.Në intervistën për mediat serbe kryeministri i Maqedonisë së Veriut, Zoran Zaev ka folur edhe për jetën e tij dhe për fillesat e suksesit të tij. Lideri maqedonas zbuloi edhe se si ka shtuar pasurin, ku fillimisht u shpreh se ka shitur perime dhe fruta.

VIDEO/ Skenë horror, tentoi të hap derën e avionit gjatë fluturimit, ekuipazhi i kërkon…

Pasagjerët e një avionit të kompanisë “Delta”, kanë përjetuar momente tmerri, gjatë udhëtimit të tyre nga Los Angeles drejt Atlantas në SHBA.

Njëri prej pasagjerëve ka tentuar të hapë derën e avionit në ajër.


Fillimisht ai u kërkoi pasagjerëve të tjerë të ulen dhe të vendosin maskat e oksigjenit, ndërsa më pas shkoi te dera e avionit për ta hapur.

Ekuipazhi i avionit, kërkoi ndihmën e pasagjerëve që të mos e lejonin qytetarin ta hapte derën, teksa momentet e panikut janë filmuar nga një pasagjere dhe janë shpërndarë në rrjetet sociale.

Personi që donte të hapte derën është penguar nga pasagjerët e tjerë dhe fluturimi vijoi normalisht, ndërkohë që personi është arrestuar sapo avioni ka mbërritur në Atlanta.

I sapo liruar nga burgu/ djali lushnjar gjender i vrarë në rezervuar

Gjatë mngjesit të ditës së sotme është gjetur një person i mbytur në rezervuarin i Gjancit ne zonën e Korçës.

Akoma nuk janë të qarta rrethanat në të cilën është mbytur i riu.

Polcia ka bërë edhe identifkimin e trupit të gjetur.

Aë është shtetasi Fridman Xhaferraj, 25 vjeç, banues në fshatin Plug, Lushnjë (i dënuar më parë për veprën penale “Shkatërrimi i pronës me zjarr”, kryer në bashkëpunim).

Ndërkohë burime policotë shpjegojnë se ai mund të jetë goditur me një mjet të fortë.

Ja njoftimi i plotë i policisë:

Korçë/Informacion shtesë

Në vijim të informacionit paraprak, në lidhje me ngjarjen e ndodhur në rezervuarin e Gjançit, në Korçë, ku mesditën e sotme u konstatua pa shenja jete një shtetas, ju informojmë se:

Në vijim të veprimeve hetimore të kryera nga specialistët për Hetimin e Krimeve në Komisariatin e Policisë Korçë, u bë e mundur identifikimi i viktimës i cili është shtetasi F. Xh., 25 vjeç, banues në fshatin Plug, Lushnjë (i dënuar më parë për veprën penale “Shkatërrimi i pronës me zjarr”, kryer në bashkëpunim).

Gjykata e Rrethit Gjyqësor Lushnjë, me vendimin e datës 21.05.2021, kishte caktuar për këtë shtetas ndryshimin e masës së sigurisë, nga “Arrest në burg” në “Arrest në shtëpi”

Grupi hetimor nën drejtimin e Prokurorisë të Rrethit Gjyqësor Korçë, në bashkëpunim edhe me Drejtorinë Vendore të Policisë Fier, po vijojnë hetimet për zbardhjen e plotë të rrethanave të kësaj ngjarjeje.

Përhapja e gripit H5N8/ Asgjësohen 10 ferma me shpendë në Kosovë

Disa javë më parë u konfirmua prezenca e Gripit të Shpendëve tipi H5N8 në Kosovë.

Agjencia e Ushqimit dhe Veterinarisë kishte njoftuar se mostra e testuar në Laboratorin e Ushqimit dhe Veterinarisë kanë detektuar prezencën e Gripit të shpendëve Influenca Aviane A Subtipizimi H5 dhe N8 ( Gripi i shpezëve H5N8).

Si rezultat i kësaj deri më tash janë asgjësuar rreth 10 ferma. Kështu ka bërë të ditur në një prononcim për Telegrafin, zëdhënësi i AUV-it, Lamir Thaçi.

“Deri më tash janë diku rreth 10 ferma që janë asgjësuar, kryesisht janë ferma të ekonomive familjare që pas marrjes së mostrave kanë rezultuar pozitiv në Gripin e Shpezëve H5N8”, ka thënë Thaçi.

Thaçi ka treguar se rastet e Gripit të Shpendëve që janë konfirmuar janë në shumicën e komunave të Kosovës, përfshirë këtu Prizrenin, Rahovecin, Skenderajn, Mitrovicën, Malishevën dhe disa komuna tjera.

Ai ka shtuar se inspektorët janë në teren duke lokalizuar fermat e prekura tek të cilat kryhen të gjitha shërbimet duke përfshirë edhe asgjësimin e shpezëve të ngordhura dhe atyre prezentë ne fermë nën mbikëqyrje të veterinerëve zyrtar duke respektuar masat e biosigurisë.

Sipas OBSH, gripi i tipit H5N8 është një nënlloj i virusit të gripit A (ndryshe i quajtur grip i shpendëve), i cili është shumë vdekjeprurës për zogjtë e egër dhe shpezët. H5N8 zakonisht nuk infekton njerëzit.

Gardhi i Eriksonit

Lojtari danez Eriksen duket të jetë në gjendje stabël – thotë UEFA.🙏

E ajo që më ka lënë pa tekst, (mund të flitet, meqë lajmet janë shpresëdhënëse), është ky gjest i ekipit të Danimarkës!

E shoh. E rishoh! E vëzhgoj me shumë kërshëri!
Pas kaosit të parë, sapo mjekët filluan t’i bëjnë ndërhyrje për t’i risjellë frymën e rrahjet e zemrës, ekipi krijoi këtë GARDH!

Gardh! Për t’i dhënë njeriut privatësi. Momentit rëndësinë që i takon. Botës, kufirin te thana.

Sytë e kamerat e gjithë botës ishin aty! Por 10 shokët e ekipit krijuan dhomën e krizës, me një disiplinë e natyrshmëri goditëse!

Kur ka luftë me vdekjen, nuk ka vend për sytë kureshtarë. As për kamera. As për klikime!

Mësim kaq i hapur nga një ndeshje futbolli!

Ndërkohë ne sulmohemi me pamje si u godit me armë, si e theri me thikë, si e përdori sopatën, si u rrëzua në trotuar, si ra nga ballkoni, sa herë ka ngjarje të zeza në vend. Kur nuk i filmojnë, mediat nxitojnë t’i riprodhojnë, nga “sinkronet e familjarëve”.

Në keni sy, mendje, logjikë, arsye, Perëndi në keni: merrni mësimin e duhur nga këta! Mos na i sillni vdekjet, vrasjet, sherret, britmat në televizor e në celular.

Ne vërtet nuk dimë të bëjmë gardh e të mos iu lejojmë të aviteni te detaji si kasapë, por edhe ju MJAFT!

Tregohuni njerëz, në mos “profesionistë” raportimi!

Ja ku është raportim profesionist! Si ju bën të ndjeheni, që nuk i lanë kamerat të futen aty, te lufta me vdekjen në qiell të hapur?

Pa fjalë! E plot nevojë të di se ka në botë njerëz të tillë!

© Edlira Gjoni

Horoskopi i të premtes/ Një betejë po ndodh brenda jush, vlerësoni gjërat pozitive brenda vetes

Dashi

Nesër ju nuk do të jeni në gjendje të largoheni, duke u fshehur pas dikujt tjetër ose duke u përpjekur të qëndrosh në vetmi. Edhe nëse keni shumë nevojë për njëfarë paqeje dhe heshtjeje, aktivitetet e ditës do t’ju detyrojnë të përfshiheni në diçka të re.

Demi

Nesër ju duhet të përcaktoni se cila është gjëja më e rëndësishme në jetën tuaj, ose ndryshe mund të bëni gabimin e vendosjes së karrocës përpara kalit. Kjo do të thotë se nëse duhet të pushoni ose të kujdeseni për veten, atëherë bëni kështu.

Binjakët

Dikush nga e kaluara juaj është kthyer sërish dhe po vepron mbi supozimet e vjetra rreth asaj se kush jeni ju. Kjo do të jetë një pikë kthese delikate, por e rëndësishme në marrëdhënien tuaj është reagimi i këtij personi, që do të përcaktojë nëse e ardhmja do t’ju gjejë më afër ose më larg.

Gaforrja

Ditët e errëta të së kaluarës nuk do të kthehen për t’ju ndjekur nga pas, kështu që pse keni frikë të nisni një rrugë të re? Një ide e re do të vijë në jetën tuaj dhe do të digjet me shkëlqim, duke ndriçuar rrugën përpara dhe duke ju treguar se nuk keni frikë. Kjo është një kohë për t’u besuar njerëzve që keni përreth.

Luani

Ekziston një betejë që po ndodh brenda jush. Një pjesë e juaja, e cila dëshiron të kalojë të gjithë kohën me njerëz të tjerë po lufton për kontrollin me pjesën e tjetër që thjesht dëshiron të lihet në mendimet e veta. Ju duhet të kaloni më shumë kohë duke vlerësuar gjërat e mira që keni në jetë.

Virgjëresha

Është një ditë e mrekullueshme për të bërë parashikime. Aftësia për të kuptuar se çfarë po ndodh është e fortë. Njerëzit duhet të mbështeten tek ju për të kuptuar gjithçka rreth zhvillimeve politike, ekonomike, kulturore.

Peshorja

Përdorni intelektin tuaj shumë më tepër nesër dhe lëreni mënjanë sensin e humorit për momentin. Njerëzit duhet të dëgjojnë atë që ju me të vërtetë mendoni për çështjet e vështira dhe duhet të keni pozicionin tuaj të palëkundur. Pasioni juaj mund të frymëzojë njerëz të tjerë për të ndryshuar jetën.

Akrepi

Filloni të investoni më shumë rreth pamjes suaj të jashtme. Kështu do të krijoni opinion më pozitiv nëse jeni duke aplikuar për një vend pune. Ruajeni energjinë tuaj dhe jini më të duruar. Kini besim se do të përjetoni atë që meritoni së shpejti.

Shigjetari

Përpara se të deklaroni projektet tuaja, përpiquni të hulumtoni në maksimum nëse ato janë të realizueshme. Nesër mund të jeni në qendër të vëmendjes së të tjerëve për shkak të punës suaj.

Bricjapi

Nesër do të ndërmerrni një udhëtim që do të rezultojë relaksues. Përpiquni ta shijoni dhe të mos mendoni aspak për angazhimet në punë. Sa i përket aspektit sentimental, njohje të reja mund të shfaqen.

Ujori

Një projekt i fundit i juaji është më afër përfundimit nga sa e keni menduar. Nëse keni kohë për të pastruar hapësirën tuaj të punës, bëjeni. Kjo gjë këshillohet edhe në jetën sentimentale. Pastrojeni atë nga persona që shkaktojnë negativitet.

Peshqit

Në çdo gjë që bëni nesër, përpiquni të siguroheni që idetë tuaja të shprehen. Është e rëndësishme që mendimet t’ju dëgjohen. Tani po e analizoni botën me shumë efektivitet. Vazhdoni dhe përfitoni nga vrulli i fortë që keni ndërtuar

U vaksinua me AstraZeneca më 25 maj, 18-vjeçarja në Itali humb jetën nga tromboza

U vaksinua me AstraZeneca më 25 maj, 18-vjeçarja në Itali humb jetën nga tromboza

Një 18-vjeçare në Itali ka ndërruar jetë si pasojë e një tromboze. Mediat italiane raportojnë se Camilla Canepa iu nënshtrua një operacioni për të hequr trombin dhe për të ulur presionin në tru por nuk mundi të mbijetonte.

E reja ishte vaksinuar me AstraZeneca më 25 maj, ditën kur kjo vaksinë nisi t’u behet edhe personave mbi 18 vjeç.

“Fatkeqësisht, disa orë më parë, Sestri Levante u godit nga një zi që ne kurrë nuk dëshironim ta jetonim,” u shpreh kryetarja e bashkisë Valentina Ghio.

“Administrata komunale dhe i gjithë qyteti mblidhen rreth familjes së vajzës që u shua sot. Në këtë moment dhimbjeje unë shpreh gjithë dashurinë dhe afërsinë time me familjen e Camilla-s.”

Nënshkruhet marrëveshja: Shqipëria dhe Maqedonia e Veriut me pika të përbashkëta kufitare

Kryeministri Edi Rama ka firmosur sot bashkë me homologun e tij maqedonas Zoran Zaev marrëveshjen mbi ngritjen e pikave të përbashkëta të kalimit kufitar. Kjo marrëveshje lehtëson lëvizjen e qytetarëve në të dy anët e kufirit, aq më tepër për sezonin turistik. Më herët e njëjta procedurë është ndjekur me Kosovën.

Kreu i qeverisë ka publikuar një video përmbledhëse të Samitit në Facebook, në të cilën ai shfaqet duke pritur me radhë liderët e Ballkanit Perëndimor. “Pallati i Brigadave – Një ditë e mirë për të ardhmen e rajonit tonë,” shkruan Rama në postimin e tij.

Kujtojmë se sot në Pallatin e Brigadave u mbajt Samiti i Liderëve të Ballkanit Perëndimor i cili u hap nga kryeministri Edi Rama, në cilësinë e të “zotit të shtëpisë”. Veç liderëve të Ballkanit, i pranishëm ishte edhe Komisioneri i BE për Fqinjësinë, Oliver Vaheli.

143 vjet nga formimi i Lidhjes së Prizrenit.

Lidhja e Prizrenit u mbajt me 10 qershor 1878. Ajo lindi si nevojë e ngutshme e kombit shqiptar për bashkimin e katër vilajeteve në një të vetëm dhe për të kundërshtuar vendimet e Traktatit të Shën Stefanit në të cilin u vendos copëtimi i trojeve shqiptare dhe duke ua dhënë ato shteteve fqinje.

Lidhja është organizimi i parë gjithpërfshirës politik e ushtarak i trojeve shqiptare. Në mbledhjen e datës 10 qershor 1878 u mbajtën fjalime nga delegatë të ndryshëm, një prej të cilëve dhe Abdyl Frashëri. Mbledhja drejtohej nga Iljaz Pashë Dibra.

Delegatët para së gjithave shihnin të rëndësishëm sigurimin e qetësisë dhe të zhdukjes së gjakmarrjes, dhe nëse jo përgjithnjë të paktën dëri sa të rregullohej situata e Shqipërisë. Lidhja e Prizrenit vepronte njësoj si një qeveri kombëtare duke sunduar dhe rregulluar krahinat e qytetet e Shqipërisë për sa i përket administratës gjithashtu mblidhte luftëtarë edhe taksa.

Dy vendimet e para që mori Lidhja e Prizrenit ishin një peticion nisur Kongresit të Berlinit dhe një tjetër perandorisë osmane. Në këto vendime i bënin të qartë se Shqipëria nuk mund të jepte asnjë pëllëmbë tokë nga viset e saj, të shoqëruara më dhjetëra firma nga delegatët pjesëmarrës.