Rama ende pa fjalë për përgjimet e Ndrangheta-s/ A do ta mbrojë Veliajn?

Ka disa ditë që opinioni publik zien nga përgjimet e Antimafias, e cila ka regjistruar mafiozët italianë teksa bisedojnë për kullat në Tiranë, konçensione dhe tenderat e qeverisë shqiptare, si një shans i mirë për të investuar dhe pastruar paratë në Shqipëri nëpërmjet korrupsionit.

Në përgjime planifikohen takime me kryetarin e Bashkisë së Tiranës, ndërsa përmendet ryshfeti prej 20%, aty flitet për një prej sekserëve shqiptarë, që është i gatshëm t’u hapë dyert e shtetit shqiptar mafiozëve, duke u prezantuar si njeri i afërt i Veliajt dhe i Ramës.

Veliaj i ka quajtur “çudira” përgjimet e Antimafias italiane, por kryeministri Rama nuk është nxituar për të dalë me një qëndrim. Kryeministri nuk i ka zhvlerësuar akuzat, siç bëri dikur me përgjimet e Bild, të cilat i quajti një “sallatë fjalësh”, por as nuk ka shprehur dyshime tek Erion Veliaj, siç bëri me Saimir Tahirin, për të cilin la të hapur mundësinë se mund të ishte “një vemje që turpëron fjalën njeri” apo “zhgënjimi më i madh i jetës së tij”.

Rama ka zgjedhur të heshtë, jo vetëm sepse bisedat e mafiozëve lidhen kryesisht me investimet në kullat e Tiranës, por edhe sepse dosja është aq voluminoze, sa çdo ditë dalin biseda që e zgjerojnë gjithnjë e më shumë rrethin e të implikuarve. Dhe këto nuk dihet ende deri ku do të shkojnë.©Lapsi.al

Ryshfeti nuk ndryshon as për Ndragheta/ 20% iu kërkua italianëve për kullat në Tiranë

Një hetim i Antimafias italiane në Catanzaro, që ka çuar pas hekurave dhjetra persona, ka zbuluar edhe një skemë me të cilën sipërmarrës italianë arrijnë të krijojnë kontakte dhe lidhje miqësie me zyrtarë në Shqipëri, deri në nivel ministrash, për të investuar në vendin tonë, duke paguar rryshfete. E çuditshme është se ryshfeti nuk ndryshon, mbetet 20% edhe për sekserët e mafias italiane, njësoj si ata të përmenduar nga akuzat e PD gjatë kohës kur Edi Rama ishte kryetar Bashkie.

Trembëdhjetë persona në burg dhe 35 në arrest shtëpie është rezultati i operacionit të koduar “Profil i Ulët”.

“Shqipëria si Kalabria”

Sipas “Il Corriere Della Calabria“, “Shqipëria është si Kalabria në vitet ’60 … ka gjithçka për të bërë”.

Media italiane shkruan se si sipërmarrësi, Antonio Gallo dhe Antionio Speziali flasin me këshilltarin e komunës Catanzaro, Tomaso Brutto për qëllimet e Gallo-s në sektorin e ndërtimit të gradaçelave.

PERGJIMI 1

Nga përgjimet e ‘Antimafias’ sipas mediave italianë në një takim mes sipërmarrësve, ata flasin dhe për rolin e ministrave shqiptarë, ku sipas tyre kjo çështje duhet të kalojë nëpërmjet duarve të një personi, në nivel të ministrave.

‘”Në një takim të datës 24 prill të vitit 2017, Tommaso Bruto i referohet Gallos, “që është dakord që të behet marrëveshja”.

Ideja është që të hapej një aktivitet tregtar në Shqipëri, ku sipas D’Alesandros, “mjafton që t’i japësh të drejtë një personi të vetëm, dmth në nivelin e ministrive.. Vetëm një duhet të kalosh”’

PERGJIMI 2

Në një tjetër përgjim, siç publikojnë mediat italiane, në 22 maj të 2017 Tomaso dhe Saverio Brutto takohet në një banesë me Ercole D”Aleessandro dhe Antionio Gallo për të diskutuar rreth kësaj marrëveshje.

Gallo shfaqet i ndarë në dy drejtime, nga njëra anë shfaqet i merakosur për hetimet e mundshme ndaj tij dhe planifikimit të investimit.

“Kemi këtë projekt në Shqipëri, e kemi nisur… në kuptimin që e kemi gati strukturën, e kemi bërë shoqërinë me Saverio Brutton për të përshpejtuar dhe kohën, kemi blerë dhe kemi porositur mallrat! Jemi në një pikë të mirë dhe kemi një person shqiptar që është e quajnë “menaxher” që do drejtojë çdo gjë dhe që ka eksperiencën në këtë sektor”

Në këtë pikë D’Alessandro shton se në një distancë kohore prej një muaji ai do të nisej për të Shqipëri dhe në këtë mënyrë do të mund të “finalizonte’ me të tijët “kontaktet e mira”.

FINALIZIMI MARRËVESHJES

Arrihet në konkluzionin se në një bisedë mes Gallos dhe D’Alessandros në 23 mars të viti 2018 çështja fokusohet tek tema politike.

Pak kohë më parë, prokuroria ka dokumentuar vizitën e disa shqiptarëve të gatshëm për të diskutuar si të ‘përmbyllin’ një tender, në mënyrë që t’i lejojnë sipërmarrësit Gallo një fitore të sigurte, që do ta çonte në biznesin e ndërtimit të gradacelave.

Në këmbim ai duhet të jepte një paradhënie në kesh që kapte vlerën e 20% të shumës totale të investimit në këtë tender shkruajne mediat italiane. Më këtë kërkesë ëndrra për të ‘pushtuar’ Shqipërinë, zhduket.

HETIMI

Hetimi i “Basso Profilo” (Profili i Ulët) u koordinua nga Drejtoria e Antimafias së Qarkut të Catanzaro-s, nën komandën e kryeprokurorit Nicola Gratteri. Një “komitet biznesi” që bashkonte sipërmarrësit, politikanët, administratorët publikë dhe agjencitë e zbatimit të ligjit, “një bashkim djallëzor” me fije të lidhur me Ndragheta-n.

Hetimi sillet rrotull sipërmarrësit Antonio Gallo, i njohur ndryshe me nofkën “Princi”. Një sipërmarrës i gjithëanshëm dhe i paskrupullt, siç e cilëson prokurori i Catanzaros Nicola Gratteri.

Ai mban marrëdhënie me banda, politikanë, eksponentë të pabesë të policisë. Sipas akuzës, interesi i tyre ishte përdorimi i Cesa-s si një instrument për të zgjeruar rrethin e tyre të njohurive, e mbase për të zbarkuar në Shqipëri ku do të furnizonin strukturat publike me produktet e tyre.

Gallo, në fakt, “duke përdorur kompani ekzistuese biznesi të përfshira në sektorin e furnizimit të materialeve të kujdesit në punë, duke hapur një filail në Shqipëri, të angazhuar në sektorin e pastrimit, duke përdorur mbështetjen e figurave politike me peshë rajonale (Talairco Francesco, sekretar rajonal i UDC) dhe me peshë kombëtare (Cesa Lorenzon, asokohe eurodeputet i UDC), ishte përpjekur të bëhej lider në sektor.

Hipoteza është që dy politikanët i kishin siguruar se do të ndërmjetësonin me zyrtarë publikë që shërbejnë në institucione ose me drejtorë të ndërmarrjeve të brendshme në nivel ndërkombëtar.

DARKA E 7 KORRIKUT 2017

Në dokumentet e hetimit kanë dalë të dhëna nga shërbimi i vëzhgimit i cili konfirmoi takimin që Gallo, së bashku me Talaricon, dhe Cesa-n zhvilluan në një restorant në Romë më 7 korrik 2017. Megjithë lidhur me takimin nuk ka interceptime sepse atë kohë Cesa ishte eurodeputet. Nga ana e tij Cesa shprehet i sigurt se mund ta sqarojë pozicionin e tij.

“Nga një lexim i parë përmbledhës i dokumenteve-shpjegoi ai- pohoj përfshirjen time në një ngjarje të kufizuar, të finalizuar me pjesëmarrjen në një drekë biznesi të organizuar në Romë nga Talarico në 2017-ën, së bashku me të ftuarit e tij, emrat e të cilëve nuk më kujtohen. Cesa thotë se ai është “i qetë para provave të dokumentaruar”.

Cfare firmosi Presidenti Biden ne diten e pare?

Presidenti Biden ditën e tij të parë në detyrë të Mërkurën propozoi një projekt-ligj për imigracionin që përmban një rrugë drejt shtetësisë për emigrantët e padokumentuar dhe i bën ëndërrimtarët – emigrantë të rinj pa dokumente të cilët u sollën në SH.B.A. si fëmijë – menjëherë të kualifikuar për kartat e gjelbërta.

Ai gjithashtu nënshkroi një memorandum që drejtonte Sekretarin e Sigurisë Kombëtare për të ndërmarrë veprime që synojnë “ruajtjen dhe forcimin” e programit të veprimit të shtyrë për mbërritjet e fëmijërisë (DACA). Një urdhër i veçantë ekzekutiv shfuqizoi një politikë të diskutueshme të ndalimit të udhëtimit të vendosur nga ish presidenti Trump që ndalonte hyrjen e shtetasve nga një grup i vendeve me shumicë myslimane dhe afrikane në Shtetet e Bashkuara.

Ambasada ruse në Tiranë reagon ashpër pas shpalljes “non grata” të diplomatit të saj

Qeveria shqiptare e shpalli diplomatin rus Alexei Krivosheev person “non grata” për shkak se sipas saj ai shkelte masat epidemiologjike të marra kundër pandemisë së koronavirusit.

“Ai duhet të largohet nga vendi brenda 72 orëve” – tha ministria e Jashtme shqiptare.

Ambasada Ruse në Shqipëri i quajti të pabazuara akuzat ndaj diplomatit rus. Selia diplomatike konfirmoi për agjencinë “RIA Novosti” se ka marrë notën nga pala shqiptare dhe informoi Ministrinë e Jashtme Ruse.

“Ne i konsiderojmë të pabazuara të gjitha akuzat ndaj diplomatit rus të përmendura në këto dokumente. Ne gjithashtu vërejmë se shënimi në njoftimin për shtyp të emrit dhe mbiemrit të punonjësit tonë bie ndesh me praktikën e vendosur diplomatike ndërkombëtare” – tha ambasada ruse në Tiranë. ©LAPSI.al

Kush i fiton zgjedhjet e 25 prillit

The MRP poll predicts a big win for the Tories – is it right? | Politics |  The Guardian

Bashkimi i të gjitha partive opozitare do t’i kthente zgjedhjet e prillit në një garë kokë më kokë mes mazhorancës dhe opozitës. Kjo, sipas një sondazhi në Euronews Albania, i kryer në bashkëpunim me kompaninë MRB.

Opozita e Bashkuar do të merrte 42.7% të elektoratit, ndërsa Partia Socialiste do të merrte 44% të votave. Të pavendosurit janë në masën 7.4%, ndërsa ata që nuk do të votojnë përllogariten në masën 4.6%. (foto lart)

Megjithatë, sondazhi zbuloi se prirja e votës shkon drejt PS (41.8%), pasuar nga PD me 28.2% të votave, një hendek ky prej 13.6% të elektoratit.

LSI vazhdon të jetë sipas projektimit forcë e tretë me 10.3% të votave, pasuar nga PDIU me 1.5%.

3 muaj përpara zgjedhjeve, 1600 shqiptarë janë përgjigjur ballë për ballë në një intervistim në shtëpitë e tyre dhe 2000 të tjerë në mënyrë telefonik, se cilat janë shqetësimet e tyre, si e vlerësojnë ata ekonominë, punën e qeverisë apo të opozitës dhe sa vota do të marrin partitë politike, nëse zgjedhjet do të mbaheshin këtë javë. Janë 5 sondazhe në total që do të zhvillohen periodikisht deri në ditën e zgjedhjeve.

Studimi u shtri në 12 zona elektorale, periudha e intervistave ishte 22 dhjetor 2020 -13 janar 2021 ku metodologjia e kampionimit ishte shtresëzim me shumë faza/kampione të rastësishëm. Persona me të drejtë vote, të ndarë në mënyrë të barabartë sipas gjinisë u janë përgjigjur 43 pyetjeve.

Qëllimi i sondazhit është hulumtimi i mendimeve dhe qëndrimeve të qytetarëve shqiptarë për zgjedhjet e 25 prillit 2021.

Pa unitet nuk ka paqe

Menjëherë pas betimit si president i 46-të i SHBA-së, Joe Biden ka mbajtur fjalimin e tij përurues. “Kjo është dita e Amerikës. Kjo është një ditë e demokracisë, një ditë historie dhe shprese,” tha Biden në fillim.

“Sot ne nuk po festojmë triumfin e kandidatëve, por të demokracisë. Vullneti i njerëzve është respektuar. Ne kemi mësuar përsëri se demokracia është e çmuar, por edhe e brishtë. Në këtë moment, të dashur miq, demokracia ka fituar”, tha Biden.

“Faleminderit paraardhësve të mi nga të dy palët, nga thellësia e zemrës sime. Natën e kaluar unë fola me presidentin Carter, i cili nuk mund të ishte këtu sot, por ne i bëjmë nderim atij këtu. Kombi, ne jemi njerëz të mirë. Ne kemi bërë kaq shumë përparim gjatë shekujve, por ka ende shumë para nesh. Duhet të rimëkëmbet, duhet të bëhemi mirë, kemi shumë detyra para nesh, “tha ai.

“Miliona punë janë humbur, qindra mijëra kompani janë mbyllur. Ëndrra e drejtësisë për të gjithë nuk do të vonohet. Ngritja e ekstremizmit politik dhe terrorizmit të brendshëm është diçka me të cilën duhet të përballemi dhe duhet ta mposhtim,” tha ai.

“Ajo që na duhet është ajo që është më e vështirë për t’u arritur në një demokraci – uniteti. Uniteti. Sot, gjithë shpirti im është në këtë, në bashkimin e kombit tonë dhe popullit tonë. Unë ftoj të gjithë amerikanët të bashkohen me mua në këtë,” shtoi ai.

“Përmes unitetit, ne mund të arrijmë gjëra të mëdha dhe të rëndësishme – të krijojmë vende pune, të mësojmë fëmijët tanë në shkolla, të mundim virusin, të arrijmë drejtësi racore dhe ta bëjmë edhe një herë Amerikën forcën kryesore të së mirës në botë. Unë e di që forcat që na ndajnë janë të thella dhe reale, por ato nuk janë të reja. Historia jonë është një luftë e vazhdueshme midis idealit amerikan – që ne të gjithë jemi krijuar të barabartë – dhe realitetit mizor, racizmit dhe ekstremizmit,” tha ai.

“Në secilin nga këto momente, mjaft prej nesh janë mbledhur për të ecur përpara. Historia, besimi dhe arsyeja po ecin përpara. Ne nuk duhet ta shohim veten si armiq, por si fqinjë. Duhet të ndalojmë konfliktet dhe të ulim temperaturën. Pa unitet nuk ka paqe, ka vetëm kaos. Nëse bashkohemi, do të kemi sukses,” tha ai.

“Sot, le të fillojmë së bashku përsëri. Le të fillojmë të dëgjojmë dhe respektojmë njëri-tjetrin. Ne duhet të hedhim poshtë një kulturë në të cilën manipulohen ose madje trillohen fakte,” tha ai.

“Amerikanët e mi të dashur, unë besoj se Amerika është shumë më e mirë se kjo. Kur bashkimi ynë varet në buzë, ne qëndrojmë këtu. Ne jemi këtu ku doktor King foli për ëndrrën e tij. Sot ne shënojmë gruan e parë në pozicionin e nënkryetarit, mos më thuaj të gjërat nuk ndryshojnë ”, tha ai.

“Dhuna nuk do të ndodhë më këtu. As sot e as më kurrë,” tha ai.

“Për të gjithë ata që nuk më mbështetën – ju lutem më dëgjoni. Nëse akoma nuk pajtohemi – ashtu qoftë. Kjo është Amerika. E drejta për të mos u pajtuar është një nga forcat më të mëdha të këtij vendi. Unë ju premtoj këtë – unë do të jem president dhe do të luftoj në mënyrë të barabartë për ata që më mbështetën, si për ata që nuk më mbështetën,” tha ai.

“Muajt e kaluar na kanë dhënë një mësim të dhimbshëm – ka të vërteta dhe gënjeshtra. Gënjeshtrat u thuhet të fitojnë pushtet dhe fitim. Por udhëheqësit janë betuar në Kushtetutë, për të mbrojtur të vërtetën dhe për të mposhtur gënjeshtrën,” tha ai.

Joe Biden nderon viktimat e Covid në prag të inaugurimit të tij: ‘Për të shëruar, ne duhet të kujtojmë’

With the Washington Monument in the background, President-elect Joe Biden with his wife Jill Biden and Vice President-elect Kamala Harris with her husband Doug Emhoff listen as Yolanda Adams sings "Hallelujah" during a COVID-19 memorial, with lights placed around the Lincoln Memorial Reflecting Pool, Tuesday, Jan. 19, 2021, in Washington. (AP Photo/Evan Vucci)

(CNN) Presidenti i zgjedhur Joe Biden fitoi Shtëpinë e Bardhë pasi u tregoi amerikanëve ndjenjën e tij të thellë të ndjeshmërisë dhe aftësinë e tij për t’u pikëlluar me ta ndërsa kombi vuante nga një pandemi vdekjeprurëse dhe një përplasje ekonomike.

Këto cilësi ishin në shfaqje të plotë gjatë ndalesës së tij të parë në Uashington të martën në mbrëmje për të nderuar jetët e humbura në pandeminë Covid-19. Toni i tij i zymtë ishte mbresëlënës pas një viti në të cilin Presidenti Donald Trump mohoi shkallën e pandemisë dhe rrallë ishte në gjendje të mblidhte një ndjenjë dhembshurie ose të ofronte fjalë ngushëllimi për anëtarët e familjes, të cilëve shpesh u vidhej shansi për të thënë lamtumirë ose mbajnë duart e të dashurve të tyre në ato momente të çmuara të fundit.


Ndërsa dielli perëndonte mbi Memorialin e Lincoln duke i dhënë një shkëlqim rozë muzgut, Biden foli vetëm disa fjalë por u tha amerikanëve se ai ndau hidhërimin e tyre – mirëkuptimi i tij u thellua nga tragjeditë e jetës së tij, nga humbja e gruas së tij të parë dhe vajza në një aksident automobilistik si i ri deri në vdekjen e djalit të tij Beau nga kanceri në moshën 46 vjeç.
“Hardshtë e vështirë të kujtohet ndonjëherë, por kështu shërohemi. Important eshtë e rëndësishme ta bëjmë atë si një komb,” tha Biden në vërejtjet e shkurtra para se 400 drita të ndriçoheshin përgjatë skajeve të Pishinës Reflektuese Memoriale të Lincoln, duke shënuar më shumë se 400,000 Amerikanë që kanë vdekur nga Covid-19. Qindra qytete, qytete dhe komunitete në të gjithë vendin planifikojnë të bashkohen në homazhet solemne me ceremonitë e ndriçimit të tyre në ndërtesat nga Empire State Building në Nju Jork në Gjilpërën e Hapësirës në Seattle.
Biden u bashkua me gruan e tij, Jill Biden, Zëvendës Presidentja i zgjedhur Kamala Harris ne burrin e saj, Doug Emhoff. Kardinali Wilton Gregory, kryepeshkopi i Uashingtonit, mbajti thirrjen dhe këngëtarja e ungjillit Yolanda Adams interpretoi “Hallelujah” pasi Biden foli.

Advertisements

Vaksinat me pikatore deri në korrik/ Çfarë fshehu kontrata me Pfeizer

Pikat kryesore të kontratës që Edi Rama e shpalli sekret u publikuan në media këtë të martë duke zbuluar edhe çfarë pazari arriti kryeministri me negociimin sy më sy me drejtuesit Pfeizer. Sipas asaj që zbulon gogo.al në shkrimin me titull “KONTRATA SEKRETE E QEVERISË ME “PFIZER” PËR VAKSINAT”, kuptohet se Rama vërtet gjeti një çmim të leverdisshëm, vetëm 12 dollarë për një dozë, po të llogaritet se Bashkimi Europian e bleu për 18 dollarë, ndërsa Shtetet e Bashkuara në blerjet paraprake e paguan 20 dollarë dozën.
Sipas kontratës rezulton se Shqipëria do të paguajë në total 6 milionë dollarë.

Një kalendar i mirë vaksinimi duhet të parashikojë nisjen e menjëhershme të vaksinimit masiv, që tashmë ka nisur me personelin mjekësor, pastaj të vazhdojë sa më shpejt me shtresat më të rrezikuara nga covid-19, siç duhet ta përmbajë edhe kalendari sekret i vaksinimit.

Por nuk do të ndodhë kështu. Kontrata që ka firmosur Rama me Pfeizer nuk të lejon nisjen e vaksinimit masiv që në janar. Vëreni me kujdes tabelën më poshtë, ku janë të ndara intervalet në kohë të furnizimit të vaksinave.

Në kolonën e dytë të tabelës tregohet se në janar do të mbërrijnë në Shqipëri pak më shumë se 10 mijë vaksina. Në muajin shkurt do të vijnë pak më shumë se 30 mijë vaksina. Pjesa tjetër, prej rreth 450 mijë dozash, vijnë pas muajit korrik. (Q3-Q4 Quarter 3- Quarter4 2021 ose Tremujori 3 dhe Tremujori4 i 2021)

Pra, për vetëm 6 muajt e parë të këtij viti, Rama ka siguruar rreth 41 mijë doza vaksinash. Pjesa tjetër, vjen në një kohë të pacaktuar, gjatë gjysmës së dytë të vitit, nga korriku në dhjetor. Prandaj, deri në korrik, qeveria duhet të menaxhojë procesin me këto që ka.Në rastin më të mirë, për ditët në vijim mund të nisë një proces vaksinimi, nga i cili do të përfitojnë rreth 130 persona në ditë. Ky proces i avashtë i imponuar nga kushtet e kontratës me Pfeizer, duket se ka qenë edhe arsyeja se përse është mbajtur i fshehtë pakti me kompaninë. Në realitet, Shqipëria ka siguruar pak doza, që duhet të shpërndahen vetëm për pjesën më të riskuar të popullsisë.Me furnizimin që ofron Pfeizer, duhet të kalojnë ende disa muaj, deri kur të nisë vaksinimi masiv i popullsisë. Me kaq pak doza në dispozicion, është i kotë edhe një kalendar vaksinimi, ekzistencën e të cilit e vuri në dyshim edhe ambasadori i KE në vendin tonë pak ditë më parë. Me kaq pak doza që ka siguruar Rama, shpresa e vetme mbetet ndihma nga Bashkimi Europian që tashmë ka premtuar të na ndihmojë.©Lapsi.al

Projekti i LSI-së, “Mëso e Fito”ne Fier

Kryemadhi me votuesit për herë të parë në Fier: Projekti ynë, “Mëso e Fito”, më shumë mundësi për të rinjtë

Kryetarja e LSI-së Monika Kryemadhi në një takim që zhvilloi pasditen e sotme me votuesit për herë të parë në Fier theksoi se projekti i LSI-së, “Mëso e Fito” krijon më shumë mundësi për të rinjtë në Fier dhe gjithë Shqipërinë.

“Sot në kuadrin e dixhitalizimit të çdo gjëje, sot janë bërë të rinjtë edhe asocialë. Ne nuk mund ta kthejmë jetën tonë në çdo gjë dixhitale dhe virtuale. Komunikimi njerëzor na bën më socialë, më jetësorë. Ashtu sikurse nuk mund të rritet fëmija me dashurinë  e prindit në kontakt virtual. Dhe mendoj që ne duhet të socializojmë rininë e Fierit, sidomos gjimnazistët. Dhe socializimi i tyre nuk vjen thjesht duke u përfshirë në projekte politike, socializimi vjen duke u përfshirë në vendimmarrje, gjë që është shumë më e rëndësishme. Dhe ajo që mendoj, që ne e kemi pjesë të programit, krijimi i hapësirave për të rinjtë dhe për të rejat, jo thjesht në kuadrin politik, por në kuadrin edhe shoqëror, kulturor, por edhe arsimor.

Bashkë me Kejdin kemi folur dhe kemi një eksperiencë shumë të mirë me të rinjtë e Fierit. Kristiani sot është pedagog në universitet dhe kjo nuk ka ardhur si rezultat i suportit politik, përkundrazi ka ardhur si rezultat i angazhimit të tij, jo vetëm në aspektin akademik, por edhe në aspektin e përfshirjes në jetën studentore, gjë e cila e bën që të njohë problematikat jo vetëm të universitetit, por edhe metodologjinë që ka të bëjë me pedagogjinë dhe mësimdhënien. Ashtu sikurse ka shumë pedagogë të tjerë në universitet. Prandaj them që mundësitë e përfshirjes së të rinjve të Fierit janë shumë të mëdha, jo vetëm në aspektin akademik, por edhe në përfshirjen në shkencë, bujqësi, blegtori e shumë fusha të tjera. Ne kemi shumë njerëz që janë angazhuar në LSI, që kanë punuar fort për programin e bujqësisë në LSI, apo në aspekte të tjera që kanë të bëjnë me arsimin, punësimin e të rinjve, projektin “Mëso dhe fito” që ka ardhur si rezultat i një grupi mësuesish apo edhe vetë të rinjve.

Mendoj që është një gjë shumë e mirë dhe puna që ne jemi fokusuar jashtëzakonisht shumë tek votuesit për herë të parë, sepse votuesi për herë të parë është sot targeti kryesor për t’u larguar nga Shqipëria. Po të pyesësh sot të gjithë maturantët kudo që janë, çfarë do të thonë? Duan të ikin nga Shqipëria. Nuk kanë asnjë mundësi. Dje isha në Bradashesh, dhe një profesor më tha: Na thonë nxënësit që ne po mësojmë, por problemi është që çfarë do bëhemi ne kur të rritemi. Kështu që nuk është problemi çfarë do bëheni ju, problemi është cili është kontributi ynë në familje, në shoqëri, në ndërtimin e shtetit, në strukturimin she forcimin e shtetit dhe në krijimin e hapësirave për të pasur një punë të mirë dhe të mirëpaguar”, u shpreh Monika Kryemadhi.