Bebe Rexha i bashkohet paradës me vetura, festojnë festën e flamurit

Artistja ka zgjedhur që t’i bashkohet paradës së makinave, për të festuar kështu ditën e 28 nëntorit.

Në rrjetin social Instagram, ajo ka ndarë video dhe imazhe ku shihet e veshur kuq e zi.

Shënohet 112 vjetori i Kongresit të Manastirit

Kongresi i Manastirit, vendimet për çështjen shqiptare | Kulturë dhe Art

Në Shkup po mbahen simpoziume shkencore me rastin e 112 vjetorit të Kongresit të Manastirit, i njohur si Dita e Alfabetit (të gjuhës shqipe). Dita e nesërme, 22 nëntor kur përfunduan punimet e Kongresit më 1908, për shqiptarët e Maqedonisë së Veriut prej para pak vitesh është bërë festë zyrtare.

Instituti i Trashëgimisë Kulturore dhe Shpirtërore të Shqiptarëve në Maqedoninë e Veriut (ITKSH) ka organizuar këto ditë një sërë aktivitetesh lidhur me përvjetorin e Kongresit të Manastirit apo Ditën e Alfabetit që këtu është festë zyrtare për shqiptarët.

Studiues dhe zyrtarë shtetërorë morën pjesë në takimin e së shtunës, që iu përkushtua Gjerasim Qiriazit, njërit prej pjesëmarrësve dhe kontribuesve të Kongresit para 112 vjetësh.

Skënder Hasani, drejtor i ITKSH tha se alfabeti i gjuhës shqipe, “që u ndihmua aq shumë nga misionarët amerikanë, u vulos më 22 nëntor, 1908 dhe Instituti për Trashëgiminë dhe Kulturën Shqipërtërore u themelua pikërisht më 22 nëntor dhe tash është vendosur në objektin e ish-ambasadës amerikane në Shkup. Ky Kongres është faqja tjetër e Lidhjes Shqiptare të Prizrenit dhe sintetizim më i saktë i përpjekjeve iluministe të rilindasve tanë për ndriçimin e kombit”.

Kryetari i Parlamentit, Talat Xhaferi shprehu kënaqësinë që manifestimi fillon me Gjerasim Qiriazin dhe përfundon me përurimin e librit për Parashqevi Qiriazin. “Nuk mund të ishte ndryshe, sepse ata të dy dhe shumë intelektualë të tjerë anembanë ku frymonin shqiptarët u tubuan në Kongresin e Manastritit që nga përbërja dhe çështjet që i diskutoi dhe zgjidhi – konsiderohet si kuvendi më i rëndësishëm kombëtar në historinë politike dhe kulturore të shqiptarëve”, u shpreh kryeparlamentari Xhaferi.

Arafat Shabani, zv.ministër i Arsimit në Qeverinë e Maqedonisë së Veriut theksoi shpresën se nga shtatori i ardhshëm “Abetarja e unifikuar do të bëhet realitet në të gjitha shkollat e trevave shqiptare”.

Edhe Ardit Bido, Drejtor i Përgjithshëm i Arkivit Shqiptar, nënvizoi se Kongresi i Manastirit përbën një moment shumë të rëndësishëm të kombit shqiptar “që tregon se sot e kësaj dite frymon si i tillë, pavarësisht realiteteve të ndryshme politike. Prandaj, bashkëpunimi në mes institucioneve tona, pavarësisht shtetit ku ndodhet, duhet të jetë gjithnjë e më i fortë”, theksoi z. Bido

David Hosaflook një studiues i njohur i kulturës dhe historisë shqiptare foli për peripecitë e shumta në kërkim të varrit të njërit prej vëllezërve Qiriazi, eshtrat e të cilit më në fund ishin gjetur në një varrezë të dëmtuar protestante të qytetit të Strumicës.

Dita e 22 nëntorit, për shqiptarët e Maqedonisë së Veriut është festë zyrtare.

Në qytetin e Manastirit, Shtëpia e Alfabetit është shndërruar në muze, por ende me probleme të pazgjidhura pronësore.

Kur i jep fytyrën borxh pafytyrësisë!

Kohët e fundit, jemi ndodhur para një parade të pazakontë figurash publike që pozojnë të qeshur, me hir apo pahir, pranë njerëzish me pushtet, duke i thurur lavde që për shumicën e qytetarëve shqiptarë janë të pakuptueshme e të pajustifikueshme. Disa nga këta pozues janë aktorë, këngëtarë, valltarë, sportistë, shumica të respektuar, që e kanë ngritur karrierën e tyre me talent dhe mund, por edhe falë mbështetjes bujare të publikut.

Publiku i do, publiku i mbështet, publiku u beson.

E pikërisht, këtë besim ata duhet ta ruajnë si sytë e ballit e jo ta shpërdorojnë, duke bërë që me papërgjegjshmërinë e mesazheve të tyre, t’ia kërrusin edhe me fort trupin qytetarëve të këtij vendi.

Dalja e figurave publike në krah të kandidatëve për pushtet është një praktikë e njohur në të gjithë botën. Por kjo bëhet nga figura publike të angazhuara, që kanë krijuar bindje se alternativa që ata mbështesin botërisht është një alternativë e mirë, e ndershme dhe progresive. Ata nuk mbështesin gënjeshtrën, abuzimin e korrupsionin. E në qoftë se ndodh kështu, e paguajnë me “fytyrën” e reputacionin e tyre.

Ka ardhur koha që figurat publike në Shqipëri të marrin përgjegjësi më të mëdha qytetare. Ata duhet të japin shembullin më të mirë jo vetëm me artin e tyre por edhe me personalitetin dhe me vlerat që përqafojnë në publik.

Figura publike të nderuara!

  • Mos shkelni me kembë besimin e mbështetjen e publikut!
  • Mos i jepni fytyrën tuaj borxh pafytyrësisë!

Diaspora per shqiperine e lire.

Komisioni i ri Qendror i Zgjedhjeve: a do te votojne dhe emigrantet?

Në Shqipëri Komisioni Qendror i Zgjedhjeve kompletoi sot strukturën e re drejtuese, me nisjen nga puna të anëtarëve të Komisionit Rregullator dhe Komisionit të Ankimimeve dhe Sanksioneve, të zgjedhur nga parlamenti

Ndërsa nga zgjedhjet e ardhshme të 25 Prillit, ndajnë pak më shumë se 6 muaj, Komisionit të Zgjedhjeve do t’i duhet të përballojë një volum të lartë pune. Përveç përgatitje së një morie aktesh në zbatim të ndryshimeveve të bëra në Kodin Zgjedhor, sfida e këtij institucioni të ri duket se do të jetë përfshirja e teknologjisë në procesin e votimit.

Komisioneri Shtetëror i Zgjedhjeve, Ilirjan Celibashi deklaroi sot gjatë prezantimit të anëtarëve të dy institucioneve të reja të administrimit të zgjedhjeve, se puna ka nisur menjëherë me përgatijen e urdhërit për ngritjen e një grupi të posaçëm pune, për të vijuar më pas me aktet e nevojshme për ecurinë e procesit.

“Për sa kohë një pjesë e politikës e shikon si një aspekt që lidhet ngushtësisht me integritetin e procesit zgjedhor, Komisioni ka të gjithë fokusin e duhur tek kjo çështje”, u shpreh zoti Celibashi. Ai shtoi se “ky është një proces mjaft kompleks dhe kërkon angazhimin e disa faktorëve dhe jo vetëm të institucionit të KQZ-së. Qeveria shqiptare ka një përgjegjësi të spikatur në lidhje me këtë cceshtje. Ne jemi në kontakt dhe besoj gjatë kësaj jave do të kemi zhvillime edhe më konkrete”.

Komisioni i Zgjedhjeve pritet të vlerësojë dhe mundësinë e përfshirjes për herë të parë edhe të emigrantëve në procesin e ardhshëm zgjedhor

Aksident tragjik me 4 viktima në Greqi, humb jetën 19-vjeçarja shqiptare

Një 19-vjeçare shqiptare humbi jetën sot në një aksident me katër viktima, në autostradën Igumenica-Preveza, në Kastrosikia.

Dy makina janë përplasur duke u shkatërruar plotësisht. Plot 9  zjarrfikës kanë nxjerrë 4 trupat nga automjetet e shkatërruara, por ishte shumë vonë.Në aksident kanë humbur jetën vajza 19-vjeçare dhe dy shokë të saj grekë, 19 vjeç e 23 vjeç, ndërsa në makinën tjetër një pensionist 70 vjeçar.

Pamjet e frikshme të aksidentit kanë pushtuar mediat greke, ndërsa policia akoma nuk ka zbardhur shkaqet e ngjarjes.