DEA Amerikane: Në Kosovë sasia më e madhe e kokainës e kapur në rajon, ja i gjithë itinerari

Zbardhen detaje të reja nga sekuestrimi i kokainës në Kosovë, që kaloi me kamion nga Porti i Durrësit.

DEA Amerikane, e cila ka sinjalizuar për ngarkesën, ka dhënë informacion se bëhet fjalë për një sasi prej mbi 2 tonë kokaine, me destinacion Lipjanin e Kosovës.

Në informacionet e DEA thuhet se kjo është sasia më e madhe e kokainës e ardhur ndonjëherë në rajon. Ngarkesa është mbajtur nën vëzhgim nga Amerika Latine në nisje, në portin e Gioja di Tauro në Itali dhe më pas në Portin e Durrësit, në Shqipëri, ku qëndroi mbi 15 ditë.

Më pas, kontenieri është vendosur mbi një kamion, i cili është tërhequr nga një kamion tjetër, duke ecur të dy njëri pas tjetrit në Kosovë. /D.B. News 24

Erdogan kërkon ndihmën e Papës për vendosjen e sanksioneve ndaj Izraelit

Presidenti i Turqisë, Recep Tayyip Erdogan, i kërkoi Papa Françeskut të ndihmojë në mobilizimin e botës për të miratuar sanksione kundër Izraelit për “masakrën” e tij ndaj palestinezëve në Rripin e Gazës.

Turqia ka shtuar angazhimin diplomatik për situatën në Gazaa dhe telefonata midis Erdoganit dhe Papa Françeskut u zhvillua në këtë vijë.

Erdogan i tha Papa Françeskut se “palestinezët do të vazhdojnë t’i nënshtrohen një masakre nëse bashkësia ndërkombëtare nuk e dënon Izraelin me sanksione”, tha presidenca turke.

Sipas Turqisë, mesazhet e Papës janë të një rëndësie të veçantë për të “mobilizuar botën e krishterë dhe bashkësinë ndërkombëtare”.

Të dielën, Papa Françesku, tha se humbja e jetëve të pafajshme në Gaza ishte “e tmerrshme dhe e papranueshme”.

Erdogan, i cili ka mbështetur çështjen palestineze gjatë qeverisjes së tij 18-vjeçare, ka folur vazhdimisht kundër veprimeve të Izraelit.

Ai i tha Papës se “i gjithë njerëzimi duhet të jetë i bashkuar kundër” Izraelit.

Në përpjekje për të marrë mbështetje ndërkombëtare për sanksione të mundshme ndaj Izraelit, ministri i Jashtëm turk, Mevlut Çavusoglu bisedoi me homologun e tij britanik, Dominic Raab.

Cavusoglu i tha Raabit se është “thelbësore që bashkësia ndërkombëtare të bëj një reagim të fortë” ndaj agresionit të Izraelit, tha një burim i ministrisë së jashtme turke.

Izraeli ka vazhduar edhe të hënën në mëngjes fushatën e sulmeve ajrore në qytetin e Gazës, pavarësisht thirrjeve për t’i dhënë fund luftës.

Aeroplanët luftarakë izraelitë ndërmorrën 80 sulme ajrore në disa zona të qytetit të Gazës, menjëherë pasi militantët e Hamasit hapën një breshëri raketash në Izraelin jugor.

Përmes një deklarate, Forca e Mbrojtjes së Izraelit (IDF) tha se “avionët luftarakë po godasin objektivat e terroristëve në Rripin e Gazës”.

Ushtria tha se ka shkatërruar 15 kilometra tunele të militantëve si dhe shtëpitë e nëntë komandantëve të pretenduar të Hamasit.

Zyrtarët palestinezë në Gaza thonë se e diela ishte dita më vdekjeprurëse që nga fillimi i luftimeve me Izraelin.

Nga sulmet ajrore izraelite janë vrarë më shumë se 40 njerëz, thanë zyrtarët shëndetësorë që kontrollohen nga Hamasi.

Grupi militant islamik Hamas filloi sulmin me raketa në Izrael, pas disa javësh tensionesh në Jerusalem mes palestinezëve dhe izraelitëve.

Sulmet pasuan kundërshtimet për një çështje gjyqësore për të dëbuar disa familje palestineze në Jerusalemin Lindor dhe në shenjë hakmarrjeje për përplasjet e policisë izraelite me palestinezët pranë xhamisë Al-Aksa të qytetit, vendi i tretë më i shenjtë i Islamit.

Izraeli në shenjë hakmarrjeje nisi sulme ajrore dhe artilerie në Gaza.

/REL

Mbushi kallashin për t’i vrarë/ Shkëmbim zjarri mes policisë dhe trafikantëve të drogës në Fier

Një person ka mbetur i plagosur gjatë një aksioni policor në qytetin e Fierit, me qëllim parandalimin e kultivimit të bimëve narkotike. Gjatë kontrollit, forca e policisë kanë ka konstatuar një person që mbante në dorë një armë zjarri kallashnikov. Punonjësit e policisë i kanë bërë thirrje personit që të hidhte armën dhe mos të lëvizte, por shtetasi nuk i është bindur urdhrit të Policisë. Madje ky person, ende i paidentifikuar, ka drejtuar armën e zjarrit nga punonjësit e policisë, duke e mbushur atë me qëllim që të qëllonte në drejtim të tyre.

Menjëherë uniformat blu kanë ndërhyrë për të neutralizuar shtetasin e armatosur, i cili ka mbetur i plagosur dhe për momentin është janshtë rrezikut për jetën. Nga këqyrja e vendit të ngjarjes rezultoi se në afërsi të vendit ku u konstatua shtetasi me armë kishte dhe fidanë cannabis sativa të kultivuar në kubikë.Në cilësinë e provës materiale është sekuestruar edhe arma e zjarrit kallashnikov.

Makina përplas nënën 35-vjeçare me 2 fëmijët dhe largohet

Një aksident ka ndodhur sot në lagjen “Apollonia” në Fier, ku një automjet tip “Benz” ka aksidentuar një këmbësore 35-vjeçare dhe dy fëmijët e saj të mitur dhe është larguar nga vendngjarja. Shtetasja E. B dhe fëmijët ndodhen në spitalin e Fierit nën kujdesin e mjekëve, jashtë rrezikut për jetën.

Njoftimi i policisë

Sot rreth orës 20:35, në lagjen “Apollonia”, një automjet tip “Benz” ka aksidentuar këmbësoren shtetasen E. B., 35 vjeçe dhe dy fëmijët e saj të mitur 7 dhe 9 vjeç dhe është larguar nga vendngjarja.

Shtetasja E. B dhe fëmijët ndodhen në spitalin e Fierit nën kujdesin e mjekëve, jashtë rrezikut për jetën. Grupi hetimor po punon për zbardhjen e plotë të ngjarjes, identifikimin dhe kapjen e drejtuesit të mjetit.

Dokumenti/ PD shkon në zgjedhje, më 13 qershor zgjedh kryetarin

Partia Demokratike do të mbajë zgjedhje për kryetarin më 13 qershor. Këshilli Kombëtar ka miratuar propozimin e Kryesisë për datën e zgjedhjeve si dhe përbërjen e komisionit zgjedhor. Mësohet se asnjë anëtar nuk votoi kundër datës 13 qershor që u propozua nga Sekretari i Përgjithshëm i PD, Gazment Bardhi.

Deri më tani kandidatë të shpallur për kryetar janë Lulzim Basha dhe Fatbardh Kadilli, teksa të tjerët do të kenë kohë nga 16 maji deri më 22 maj. Fushata do të mbahet nga 24 maji deri më 11 qershor kurse më 13 qershor demokratët votojnë sipas parimit “një anëtar, një votë” për kryetarin.

Komisioni Zgjedhor do të ketë në krye Jemin Gjatën dhe anëtarë Albana Vokshi, Belind Këlliçi, Eno Bozdo, Mimoza Hasekiu, Albert Avduli dhe Gjokë Vuksani. Ndërkohë anëtar zëvendësues do të jetë Çlirim Gjata dhe ndihmës Ervin Minarolli dhe Lulzim Omuri. ©LAPSI.al

Dy konkurrentët e ‘Përputhen +40’ dalin zbuluar: Bashkëjetojnë prej kohësh

Pak kohë më parë në ekranin e “Top Channel-it” nisi “Përputhen +40”.

Dy ndër konkurrentët janë Ndriçimi dhe Lindita të cilët kanë shprehur pëlqim për njëri-tjetrin në takime, por po njihen dhe me të tjerë

Mirëpo, gjërat nuk janë ashtu siç duken në ekran

Kujtojmë se Lindita është futur në emision duke u shprehur se kishte ardhur nga Italia për të njohur Ndriçimin, pasi e kishte tërhequr që nga ekrani.

Bllokohen llogaritë bankare të “Radio Evropa e Lirë” në Rusi, përmbaruesit futen në redaksi

Llogaritë e Radios Evropa e Lirë në Rusi u bllokuan të premten, pas një vizite që bënë përmbaruesit në byronë e REL-it në Moskë.

Vendimi u mor pasi agjentët e shërbimit të përmbarimit gjyqësor të Rusisë filluan procedurat përmbarimore kundër shërbimit rus të REL-it, për shkak të gjobave të papaguara nga shkeljet e ligjit kontrovers për “agjentët e huaj”.

Shërbimi përmbarimor i dërgoi Radios Evropa e Lirë një vendim të gjykatës, që e autorizon atë të kërkojë llogaritë bankare të organizatës dhe t’i ngrijë ato.

Banka e REL-it në Moskë u urdhërua nga shërbimi i përmbarimit gjyqësor që t’i ngrijë llogaritë e REL-it, në mënyrë që të sigurojë pagesat për gjobat e papaguara, në vlerë prej 5 milionë rublash (68,000 dollarë).

Procedimi i përmbarimit ka të bëjë me dhjetë shkelje të konfirmuara në gjykatë, e për të cilat ka skaduar periudha dymujore e pagesës.

Përmbaruesit kaluan të premten rreth dy orë në zyrën e REL-it në Moskë, ku bënë inventarin e pajisjeve.

Ata nuk ndërhynë në punën në zyrë dhe nuk ndaluan askënd.

Zëdhënësja e Departamentit amerikan të Shtetit, Jalina Porter, tha se Shtetet e Bashkuara janë të shqetësuara nga raportet për ngrirjen e llogarive të REL-it dhe shtoi se kjo është përpjekja e fundit e Rusisë për të heshtur mediat e pavarura.

Radio Evropa e Lirë e refuzon emërtimin si “agjente e huaj” dhe nuk ka pranuar të veprojë në përputhje me kërkesat e rregullatorit rus të mediave, Roskomnadzor, që çdo material i botuar, të etiketohet si prodhimi i një “agjenti të huaj”.

REL është në proces të apelimit të disa gjobave të shqiptuara, por gjykatat ruse i kanë refuzuar tashmë mbi 250 apele.

Në total, gjobat kundër REL-it në Rusi arrijnë në rreth 70 milionë rubla (950,000 dollarë).

REL i ka kërkuar Gjykatës Evropiane të të Drejtave të Njeriut që ta bllokojë Rusinë nga zbatimi i gjobave, për të cilat thotë se synojnë të heshtin median e pavarur.

Gjatë një konference për media të enjten, zëdhënësja e Ministrisë së Jashtme ruse, Maria Zakharova, i hodhi poshtë akuzat e zyrtarëve amerikanë se veprimet e Moskës kundër REL-it “shkelin të drejtat e gazetarëve”.

Deklaratat, shtoi ajo, “dëshmojnë edhe një herë rolin e vërtetë të REL-it si zëdhënëse e propagandës së Qeverisë amerikane”.

Presidenti i REL-it, Jamie Fly, i hodhi poshtë deklaratat e Zakharovas, duke thënë se kompania do të vazhdojë t’i luftojë “këto përpjekje të Kremlinit për të censuruar të vërtetat e pakëndshme”.

“Gazetarët e REL-it në Rusi janë shtetas patriotë rusë – jo amerikanë”.

“Ne nuk do të heshtim dhe nuk do ta braktisim audiencën tonë ruse”, tha Fly.

Ligji për “agjentët e huaj” në Rusi është miratuar në vitin 2012 dhe është modifikuar vazhdimisht.

Ai kërkon nga organizatat joqeveritare që marrin ndihmë të huaj dhe për të cilat Qeveria ruse mendon se janë të angazhuara në veprimtari politike, të regjistrohen, ta identifikojnë veten si “agjente të huaja” dhe t’u nënshtrohen auditimeve.

Modifikimet e mëvonshme të ligjit kanë përfshirë edhe mediat e financuara nga jashtë.

REL është një kompani mediatike editorialisht e pavarur, e financuar nga një grant i Kongresit amerikan, përmes Agjencisë Amerikane për Media Globale.

Çdo javë, gati 7 milionë njerëz hyjnë në portalet e lajmeve të REL-it në Rusi.

Zgjedhje të pavlefshme në Berat?/ KAS kërkon më shumë kohë për marrjen e vendimit

Komisioni i Ankimeve dhe Sanksioneve pas një mbledhje të gjatë dhe debatesh me përfaqësuesit ligjorë të PD dhe Lsi,  kërkoi këtë të premten më tepër kohë për shqyrtimin e provave të paraqitura nga subjektet zgjedhore,  për shpalljen të pavlefshme të zgjedhjeve në qarkun Berat.

KAS gjithashtu njoftoi se po vlerëson mundësinë e sigurimit të provave shtesë, të cilat i cilëson si “të domosdoshme për të vlerësuar drejt kërkesat e subjekteve ankuese”.Vendimi, do të merret ditën e shtunën, më datë 15 maj në orën 10.00, pas administrimit të provave.

Spekulime për largimin e Lewandowskit, shefi i Bayernit jep këtë përgjigje!

Kohët e fundit ka pasur raportime se Robert Lewandowski është në largim e sipër nga klubi i Bayern Munich.

Shefi ekzekutiv i klubit bavarez, Karl-Heinz Rummenigge ka thënë se një gjë e tillë është larg realitetit dhe nuk do të ndodhë gjatë merkatos së verës.

Sigurisht që Lewandowski do të qëndrojë. Ne nuk jemi të çmendur për të shitur një lojtar që shënon 60 gola në vit”, ka thënë ai.

 “Drejtori sportiv i Borussia Dortmund, Zahavi nuk pyeti një gjë të tillë. Ai e di saktësisht se si funksionon FC Bayern. Kur hapet tregu i transferimeve në 1 korrik, do të ketë mijëra thashetheme. Është e rëndësishme që faktet të jenë gjithmonë pro FC Bayern”, tha Rummenigge

‘Bavarezët’ janë shpallur kampion për të 9-tin vit radhazi.