Yuri Kim kundër Tom Doshit, një mandat më pak pë Ramën…

Ambasadorja amerikane e ka nxjerë më në fund kokën se për kë i ka pasur thirrjet e herëpashershme për mos përfshirjen e të inkriminuarve në zgjedhje, që i shkaktuan disa replika të njëpasnjëshme edhe me kryeministrin Rama. Yuri Kim ka përmendur me emër dhe mbiemër deputetin Tom Doshi duke përmendur se zgjedhësit shqiptarë meritojnë më shumë.
Ky apel i shprehur përmes Twitter-it përpos anës parimore për të pastruar politikën ka dhe një ndikim të drejtëpërdrejtë në zgjedhje, pasi Doshi garanton një mandat të sigurtë pro Ramës në qarkun e Shkodrës.
Në fakt, selia diplomatike e rrugës së Elbasanit ka prej më shumë se një dekade një llogari të hapur me deputetin milioner. Emri i tij u shfaq për herë të parë në kabllogramet e zbuluara nga Wikileaks. “Ai është i njohur si deputeti më i pasur në kuvend me pasuri të deklaruar prej më shumë se 15 milionë dollarësh dhe dyshohet gjithashtu për trafik lëndësh narkotike,” thuhet në kabllogramën e firmosur nga ambasadori John L. Withers në 9 gusht 2009. Aty Doshi përmendej mes deputetëve të tjerë në materialin që mbante titullin: ““Kriminelët që bëjnë ligjin në parlamentin shqiptar”.
Më pas në vitin 2015 amabasada e SHBA u shpreh sërish kundër Tom Doshit pas konfliktit që ky pati me ish kreun e kuvendit Ilir Meta, të cilin e akuzoi se pati dashur ta vristeme. Atë kohë Meta dhe Rama ishin ende aleatë dhe PS mori vendim për përjashtimin e Doshit. Ambasada u prononcua menjëherë: “Shtetet e Bashkuara mirëpresin vendimin e Partisë Socialiste të Shqipërisë për të përjashtuar Z. Tom Doshi, i cili pretendohet se është përfshirë në veprimtari kriminale”.
Por me sa duket amerikanët i janë qepur me bukë në trastë Tom Doshit. Në Prrill 2018, as një vit pasi Doshi ishte rizgjedhur deputet në Shkodër, Sekretari i shtetit e shpalli atë dhe familjen e tij “non grata” në Shba.
“Departamenti e shpalli publikisht” z. Doshi si të padëshirueshëm dhe të palejuar për të hyrë në territorin e Shteteve të Bashkuara thoshte deklarata e ambasadës amerikane që shpjegonte:“Ligji lejon që, në rastet kur Sekretari i Shtetit ka informacion të besueshëm se zyrtarët e huaj janë përfshirë në korrupsion domethënës ose dhunim të rëndë të të drejtave të njeriut, këta individë dhe anëtarët e familjes së tyre nuk lejohet të hyjnë në Shtetet e Bashkuara”,” thuhej në deklaratë.
“Ligji kërkon gjithashtu që Sekretari i Shtetit të dizenjojë zyrtarë të tillë publikisht ose privatisht zyrtarë të tillë dhe familjet e tyre. Përveç dizenjimit të z.Doshi, Departamenti dizenjon publikisht edhe bashkëshortjen e z.Doshi, Xhovana Dhosi, vajzën e tij të rritur Briana Doshi, djalin e tij të rritur James Doshi dhe fëmijët e tij të mitur”.
Ambasadorja Kim bëhet diplomatja e katërt në radhë që merret nominalisht me deputetin e Shkodrës duke kërkuar mospjesmarrjen e tij në zgjedhje. Pas kësaj të folure troç dhe me emër është edhe më e lehtë të kuptohet se përse tensionet u rritën ditën e fundit mes saj dhe Edi Ramës. Përveçse njihet si një njeri i afërt i kryeministrit, Doshi ka dhe vlerë poltike për të, pasi i sjell të gatshëm një mandat pothuajse personal, që me anë partisë së tij PSD, fiton në Shkodër. Kështu që thirja e ambasadores Kim, mund të përkthehet edhe si nj mandat më pak në favor të Rilndjes.

Apeli/ 77 intelektualë botërorë në mbështetje të Vetëvendosjes.

Republika e Kosovës po shkon drejt zgjedhjeve të reja të parakohshme më 14 Shkurt 2021.

Këto zgjedhje vijnë pas vendimit të fundit të Gjykatës Kushtetuese në lidhje me legjitimitetin e Qeverisë së Avdullah Hotit, votuar më 3 qershor 2020, i cili vendosi që Kosova të qeveriset nga një qeveri e paligjshme për shtatë muaj.

---

Tani që Kosova po shkon drejt zgjedhjeve të reja, ekziston një ndryshim i madh politik në mbështetje të politikave të paraqitura nga Lëvizja VETËVENDOSJE!, të cilat bazohen në dy qëllime kryesore: Puna dhe Drejtësia.

Ne themi se këto çështje nuk janë veçori specifike të Kosovës, por janë të një rëndësie globale. Paradigma neoliberale i bashkon të gjitha llojet e fronteve, partive dhe njerëzve në luftën kundër saj. Por, në mënyrë që të kemi një shans për të jetuar përkundër saj, është e domosdoshme të mbështesim njëri-tjetrin në mënyrë të ndërsjellë dhe të shfaqim solidaritet me aq forcë sa mundemi kur është e nevojshme.

Prandaj, ne si nënshkrues shprehim mbështetjen tonë për Lëvizjen VETËVENDOSJE! dhe për Kurtin në zgjedhjet e ardhshme. Sinqerisht besojmë se qeveria e tij do të ofrojë një fillim të ri në këtë betejë të vështirë, por të domosdoshme, përkundër sfondit të ngjarjeve aktuale në Republikën e Kosovës. Në situata si e tanishmja, një besim dhe bindje e tillë është më e rëndësishme se realiteti aktual dhe kërkesat e tij të dukshme. Kjo është diçka që Lëvizja VETËVENDOSJE! dhe Kurti u dha popullit të vendit të tij në mandatin e tij të parë, shpresën se ekzistojnë njerëz që mund të ketë një bindje dhe besim politik pas të cilit qëndrojnë të pa kompromis. Kjo do të shërbejë si parakusht për çdo transformim të realitetit në Kosovë

Qeveria antikushtetuese e formuar nga e djathta LDK u krijua pas përmbysjes së Qeverisë së majtë dhe reformiste të udhëhequr nga Albin Kurti i Lëvizja VETËVENDOSJE!. Në mes të pandemisë COVID-19, kur shoqëria kosovare kishte vërtet nevojë për menaxhimin shembullor që qeveria Kurti ishte në gjendje të siguronte, LDK koordinoi me partitë e tjera të elitave të vjetra dhe krijoi një mbulim intensiv të rrejshëm mediatik. Kur kjo përpjekje u miratua dhe u shty me forcë mbi popullin kosovar edhe nga ish-emisari special i Presidentit Trump, Richard Grenell, kjo iniciativë rrëzoi qeverinë Kurti dhe krijoi një qeveri zëvendësuese antikushtetuese në mënyrë që të çonte përpara një marrëveshje të negociuar në mënyrë joadekuate midis Kosovës dhe Serbisë. Kjo marrëveshje supozohej të shërbente si një trofe i politikës së jashtme për fushatën elektorale të Trump. Ky projekt ka rezultuar në numër rekord infeksionesh dhe vdekjesh të qytetarëve nga COVID-19; në një situatë të rëndë shoqërore dhe ekonomike dhe në një situatë të minuar nga korrupsioni i shfrenuar i zyrtarëve qeveritarë dhe klikave të tyre. Ky ka qenë një rast i paparë i një grushti shteti parlamentar. Ky dokument eshte nenshkruar nga 77 intelektuale nderkombetare.

85 vite nga formimi i teatrit dramatik fierak.

Me 8 shkurt 1936,një ditë e shënuar për teatrin dramatik të Fierit dhe memorja e një rrugëtimi që pikënisjen e ka mbi bazë vullneti dhe pasioni.
Edhe pse kanë kaluar vite që nga ky moment, në mendje më vijnë aktorët amatorë që hodhën hapat e parë drejt kristalizimit të këtij zhanri artistik, Andon Poro, Sokrat Pogaçe, Jorgji Koshovari, Jorgji Panda, Paskal Pogaçe, Sotir Argjendari, Jorgji Kovaçi, Nasi Bogo, Stavri Poro, etj, të cilët nën drejtimin e regjisorit Llaqi Kola, arritën
të vinin në skenë për herë të parë në Fier, dramën e Kristo Floqit “Fe e Kombësi”.
Një arritje dhe një mësim për brezat pasardhës, për të treguar se me këmbëngulje, punë e pasion mund të realizosh ëndërrat që duken ndoshta të pamundura.
Memorja mbetet mësimi më i mirë për brezat dhe kohën!
( Në foto disa prej themeluesve të këtij tetari, së bashku me regjisorin, Llaqi Kola.)

Armando Subashi kryetar i bashkise Fier.

Në Çikago vdiq Xhevat Aliu,anëtar i Kryesisë së KF,,Albanian Stars,

Për sportin shqiptarë në Amerikë,sot erdhi lajmi i dhimbjes për vdekjen e anëtarit të Kryesisë së KF,,Albanian Stars,,në Çikago,i cili në këto vite ishte në krah të futbollistëve kuqezi dhe për sukseset në vendin  e parë të Ligës Nacionale të shtetit të Ilinoisit.Xhevat Aliu ka lindur në Kërçovë në vitin 1977 dhe sikundër edhe shumë mërgimtarë tjerë shqiptarë nga hapësira etnike në Maqedoninë e Veriut,për shkaqe të pdrejtësive historike dhe të kushteve ekonomike,ishte i shtrënguar që të marrë  rrugën e mërgimit kendej Atlantikut në Amerikë e largët.Në këto vite,i riu kërçovarë ishte në krah të futbollistëve kuqezi të KF,,Albanian Stars,,në Çikago,ku rezultatet e lojës së mirë e bën këtë klub të futbollit të jetë në krye të tabelës dhe i nderuar me shumë kupa dhe mirënjohje nga bota e lojës së futbollit.Duhet theksuar se,në nderim të lirisë së Kosovës KF,,Albanian Stars,,e kaloi Atlantikun dhe shkoi në Prishtinë për të marrë pjesë në Memorialin ,,Adem Jashari,,në vitin 2008 dhe qysh nga ajo kohë,futbollsitët kuqezi në Çikago ruajnë kujtimet më të mira të lojës së futbollit në stadiumin e Prishtinës që u ndanë me një rezultat të mirë në një konkurrecë në fushën e futbollit,ku mori pjesë edhe i riu Xhevat Aliu.Për historinë e KF,,Albanian Stars,,dhe angazhimi i Xhevat Aliut në krah të futbollistëve kuqezi dhe nderimi i tyre për kombin  shqiptar në atdhe,thekson Mugni Isa,udhëheqës i këtij klubi të njohur në shtetin e Ilinoisit,do të jetë kujtimi ynë në lojën e bukur të futbollit, që do të zhvillojmë në fushën e gjelbert të Çikagos dhe të shteteve tjera në Amerikë.

Skënder Karaçica

Vritet me thikë prostituta shqiptare në Milano

Një 47-vjeçare shqiptare u vra me thikë në mes të ditës këtë të diel në një nga rrugët e Milanos. Sipas medieve italiane bëhet fjalë për Luljeta Heshtën që punonte si prostitutë dhe që kishte disa precedentë të vegjël me policinë.

Ajo është qëlluar të paktën 5 herë me thikë nga një person duke i shkaktuar vdekjen e menjëhershme. Dëshmitarët thanë se e panë autorin që po e ndiqte me vrap viktimën në rrugën mes San Giuliano dhe Melegnano.

---

Policia shkoi në vendin e ngjarjes, por gjeti vetëm gruan e pajetë ndërsa autori kishte mundur të largohej. Gruaja kishte 2 plagë në këmbën e majtë dhe 3 në shpinë. Sipas dëshmitarëve autori ishte veshur me të zeza dhe nuk ka marrë asgjë nga ato që viktima kishte m e vete. Edhe arma e krimit nuk është gjetur. ©LAPSI.a

INSTAT: Nga Shqipëria janë larguar 600 mijë persona që nga 2011

Disa anketa dhe metodologji të zhvilluara nga INSTAT dhe organizata të ndryshme joqeveritare tregojnë për një përkeqësim të fenomenit të emigracionit në dekadën e tretë që nga rënia e regjimit komunist. Një prej tyre, që mat emigracionin dhe diasporën, tregon se nga viti 2011 deri më 2020, janë larguar nga vendi rreth 600 mijë persona.

INSTAT përdor metoda të tërthorta për kryerjen e një vlerësimi mbi numrin e emigrantëve, i cili bazohet në të dhënat e dy censeve të njëpasnjëshëm, edhe pse ka vështirësi ose kufizime. Censi i popullsisë dhe banesave në Shqipëri jep një vlerësim të stokut të migracionit brenda periudhës midis censeve, i cili zakonisht kryhet çdo 10 vjet dhe përmban vetëm një numër të vogël pyetjesh, të cilat nuk mund të numërojë të gjitha ngjarjet e migrimit si: familje të tëra që lëvizin, migrimin sezonal të përkohshëm dhe qarkullues.

---

Metoda e tërthortë që INSTAT përdori ishte krahasimi i dy popullsive, asaj të popullsisë banuese dhe regjistrit civil nxori se numri i emigrantëve që jetojnë jashtë vendit arriti në 1,6 milionë persona në vitin 2020 në krahasim me 1.08 milionë që ishin nga rezultatet e censit të vitit 2011, ose rreth 600 mijë persona më shumë.

Sipas të dhënave të INSTAT nga viti 2001 në 2011 ishin larguar në emigrim 481 mijë persona, por përgjatë dekadës së tretë 2011-2020 numri i emigrantëve u rrit me 25%.

Tendenca në rritje në rritje e emigracionit u nxit nga kriza ekonomike e vitit 2008 dhe heqja e vizave me Bashkimin Europian në dhjetor të vitit 2010. Përgjatë dekadës së fundit emigracioni u zgjerua nga individë të veçuar në ikjen e të gjithë familjes. Shumë familje kërkuan azil ekonomik pas vitit 2015, fenomen i cili vazhdon të ndodhë.

Kjo shifër është gati dy herë më e lartë sesa ajo e një ankete të fundit të INSTAT parë, që gjeti se gjatë viteve 2011-2019 janë larguar nga vendi mbi 360 mijë persona, ose 13% e popullsisë banuese në vitin 2011.

Një studim i fundit i profesorëve Ilir Gëdeshi dhe Rusell King tregon se emigrimi ka prekur të gjitha shtresat e shoqërisë shqiptare, që nga elitat e deri te grupet më të varfra e më të margjinalizuara dhe ka tërhequr njerëz nga të gjitha rajonet e vendit

Sipas tyre, pas tri dekadash migrimi vijon të ndodhë ende, ndonëse natyra e tij ka ndryshuar – më pak një migrim për shkak të varfërisë, dëshpërimit dhe protestës, siç ishte ai gjatë viteve ‘90-të, dhe më shumë, në ditët e sotme, një veçori strukturore e shoqërisë dhe demografisë shqiptare, në veçanti tek të rinjtë, segmentet më të arsimuara të popullsisë..

Vendet të cilat kanë si qëllim përfshirjen e diasporës së tyre në zhvillimin e vendit, nuk ju mjafton vetëm numri i tyre, por shumë i rëndësishëm është profili i tyre, si demografik ashtu dhe social e ekonomik.

INSTAT rekomandon që nevojitet të kenë informacion mbi përqendrimin e tyre, statusin arsimor dhe atë në punësim. Këto karakteristika do të ndihmojnë më së shumti qeverinë për të kuptuar më qartë potencialin profesional dhe ekonomik që ka diaspora.

Ndërtimi i regjistrit të emigrantëve, nismë e ndërmarrë tashmë nga Ministria e Brendshme, do të ndihmojë shumë në këtë drejtim. Nga Ministria për Europën dhe Punët e Jashtme, do të bëhen përpjekje për mbledhjen e të dhënave cilësore, nga Përfaqësitë Diplomatike.

Ikin familjet

Një tjetër anketë e INSTAT, në bashkëpunim me donatorët në rreth 20 mijë familje vitin e kaluar (prill-korrik 2019) ka zbuluar një fakt të frikshëm në dekadën e kaluar, pasi fenomeni është zgjeruar në emigrimin e së gjithë familjes. Gjatë 10-vjeçarit të fundit janë larguar nga vendi 6,6% e familjeve, gjithsej 49,500 të tilla, ndërsa në vitet 2001-2011 ishin larguar 4.4% e njësive familjare.

Anketa ka zbuluar se kushtet ekonomike, duke përfshirë varfërinë, papunësinë dhe nënpunësimin, të ardhurat e ulëta nga punësimi, kushtet e vështira të jetesës, mbrojtja e kufizuar sociale dhe borxhet janë faktorët kryesorë për emigrantët shqiptarë.

Përveç këtyre faktorëve bazë, një tjetër shtysë është e ardhmja e fëmijëve.

Përveç tyre, ka edhe të tjerë faktorë, si mangësitë dhe cilësia e ulët e shërbimeve të kujdesit shëndetësor, strehimi, konfliktet dhe siguria fizike që shkaktojnë stres të vazhdueshëm psikologjik, përfshi cilësinë e ulët të arsimit. Për disa nëngrupe (p.sh. romët dhe egjiptianët), një faktor shtesë është diskriminimi.

Pjesa dërrmuese e personave që emigrojnë janë të rinj, ndërsa 14% e tyre ishin me arsim të lartë. Largimi i burrave ishte 200% më i lartë se ai i grave. Emigracioni i dekadës së fundit ka përfshirë një pjesë të konsiderueshme të shtresës së mesme edhe nga ana e formimit arsimor.

Sipas të dhënave të anketës, nga të larguarit, 54% e tyre kishin një diplomë të arsimit të mesëm, profesional ose të përgjithshëm, ose një diplomë të studimeve të larta. Gati 14% e emigrantëve gjatë periudhës 2011-2019 ishin me arsim të lartë./B.Hoxha/monitor/