Rrëfimi i plotë/ “M’i prenë gishtat me gërshërë” torturat e Nazmi Çangut në grabitjen e Niklës

Nazmi Çangu së bashku me gruan dhe katër fëmijët u kthyen në shtëpi rreth orës 23:00 të së shtunës në mbrëmje. Pa e ditur se kjo do të ishte ndoshta nata më e gjatë për familjen Çangu, ranë për të fjetur menjëherë.

Por rreth orës 01:00 fëmijët dhe dy bashkëshortët janë zgjuar të tmerruar. Një grup prej 10 grabitësish i kishin hyrë në shtëpi, duke i drejtuar automatikun në fytyrë.

Familjen Çangu e ndanë në dy pjesë. Fëmijët dhe gruaja u futën në një dhomë pasi u morën telefonat. Ndërsa kryefamiljari i rrethuar nga 6 apo 7 persona të tjerë u mbajt në një dhomë tjetër, ku e lidhën dhe i kërkuan çelësin e kasafortës për t’i marrë paratë.

Fillimisht Çangu tentoi të bënte rezistencë. Gjatë qëndrimit në dhomë kafshoi një nga grabitësit në dorë, por kjo është shoqëruar me rrahje dhe dhunë të vazhdueshme. Pasi është rrahur dhe torturuar, duke u goditur me qytën e armëve për disa orë me radhë, biznesmenit i kanë prerë gishtin dhe e kanë rrahur akoma më shumë.

“Nuk e mbaj mend orën s’jam i sigurtë. Ishim për një darkë me familjen dhe kemi ardhur, rreth orës 11 të darkës. Rreth orës 2 më kanë ardhur 2 veta kështu në krevat. Isha në gjumë dhe më tha “Policia e shtetit”. I hapa sytë dhe kur m’u ul njëri kështu, faktikisht kishte këtu “policia”, vetëm kaq. Kishte një xhup të zi si një xhup polici. Dhe kur m’u ul ai tjetri kishte një triko kështu me kapuç dhe më hasi ai kauçuku këtu te gusha, edhe aty iu hudha, i thashë: Çfarë policie jeni ju? Kur iu hudha ashtu, me goditën njëri këtu, tjetri këtej. Tjetri më vu automatikun këtu. Më gjuajtën sa deshën. Aty u përlesha me dy. Më kanë pre gishtin me gërshërë. Më kërkuan celësin e kasafortës, “duam vetëm çelsat”. Kishin mbyllur brenda dhe kalamajt. Më lidhën me ato fashetat e zeza. Aty i kam fashetat. I kam heq në spital. Kur më lidhën këmbët, i kam heq dhe ju kam hedh njërit dhe më kanë godit këtu në dorë. E kam shkit atë më kanë rënë me shqelm fytyrës. Nja tre herë kam rënë pa ndjenja. I kërkova ujë tre herë dhe më dhanë, sepse m’u tha fyti nga gjaku. Katër herë i kam kërku ujë. “Duam çelsin e kasafortës” “S’e kam” i thashë, “unë e dorëzoj në bankë”. Edhe si përfundim se ç’lujtën aty te rafti. Pata lanë një qese aty me 4 topa “dy mijë lekshe” kisha për të pagujt betonin atje, kam bërë një kanal betoni. Kisha për ta pagujt te firma atje. Hipi njëri te rafti aty, ra një qese, kishte 8 mijë euro, aty hasi edhe celësat, ku ishin edhe celësat e kasafortës. Bërtiti njëri “e gjeta”. Kishte dhe një kaçavidë në xhep, shkuan te kasaforta morën ca gjetën. Kanë qenë ca shuma. Shuma kanë pas. Dihet se s’kanë ardh për gjë tjetër. Me dy automatikë dhe pistoletë silenciator. Tre te dhoma ime. Tre të fëmijët. Dy lart dhe dy poshtë, 10 veta. “Ne jemi 10 vetë tha, të kemi rrethu shtëpinë” më tha. Gruaja bërtiste aty, unë aty”, ka treguar ai nga spitali ku po merr trajtim.

“Kur të vijnë në derë të shtëpisë, ç’të mendosh për vende të tjera. Bëj thirrje të gjendet autori, më kanë prerë gishtin, më kanë çarë në kurriz, më rrahën, kam fraktura gjithandej. Këtu nuk jetohet më”, tha i dhunuari.

Me zërin që i dridhej dhe e tmerruar nga ajo që ka ndodhur, vajza e Nazmi Çangut tregoi se ka qëndruar e mbyllur në dhomë për 3 orë gjatë natës, pa e ditur nëse prindërit ishin gjallë apo kishin vdekur.

“Është një gjë e tmerrshme, një gjë që babi im nuk e meritonte fare, familja jonë nuk e meritonte fare. Një njeri që nuk ika hyrë askujt në hak, shumë i drejtë na rritur me djersë. Kemi parë një traumë me sy, sepse ishin 3 policë në dhomën tonë, ishin me kapuç dhe kostume sportivë. Ndërkohë që dëgjoi babin të bërtiste, shkoi poshtë dhe njeri më doli me pistoletë. I kërkova mos të prekte vëllain dhe motrën dhe i pyeta nëse mami dhe babi ishin mirë. Më thanë që janë mirë, vetëm na trego se ku është çelësi i kasafortës. Kanë qenë tre orë aty me pistoletë nuk e dija nëse mami dhe babi ishin gjallë. Kur ikën, kemi zbrit poshtë. Ne ishin në dhomën tonë në katin e tretë, ka ardhur xhaxhi ka hapur derën. Kur hapëm derën e dhomës ku ndodhej babi, çfarë të shifje. Kam marrë të fejuarin në telefon, dhe i kam thënë më kanë vrarë babin, ishte pa ndjenja, si mos më keq, i lidhur, gjak gjithë vendin, Kishin hedhur çdo gjë në tokë. 10 veta kundër 1 personi, nuk e di se çfarë donin të gjenin në këtë shtëpi. Betoheshin për familje, por ata nuk kanë familje. Nuk e di a do të flemë më gjumë. ”, tha ajo,

Në shtëpinë e Nazmi Çangut gjithçka është kthyer përmbys pasi grabitësit kanë kërkuar për çelsat e kasafortave.

Krevati në të cilën është torturuar biznesmeni është i larë në gjak për shkak të torturave që i janë bërë atij. Nazmi Çangu ka një lokal në pronësi të tij dhe merret me agro-turizëm. Ai është i martuar dhe ka 4 fëmijë dhe më parë gjatë viteve 1993-2007 ka pas punuar në Policinë e Shtetit./Lapsi.al

U qëllua Dem Backa, biznesmeni fjalepak qe do te mbetet ne kujtese te cdo fieraku per miresine e tij.

Kush eshte Demir Backa, biznesmeni i vrare ne Fier?! - Aktualitet

Humb jeten ne spital i plagosur rende Dem Backa

U plagos ne makinen e tij audi ne parkimin e QTU ne fillim te rrepeveNje makine e djegur benz ne Daullas pas krimit Dem Backa investitor ne qytet, pronar i hotelit dhe lokali “Piazza” Fier

U nda nga jeta ne spital pak minuta pas plagosjes Ngjarja e rëndë është shënuar mbrëmjen e sotme rreth orës 20:40 në rrethrrotullimin e njohur si ish-QTU. Autori ka qëlluar me breshëri kallashnikovi nga një makinë në lëvizje drejt viktimës.57-vjeçari Demir Backa ka qenë në automjetin e tij tip “Audi” të parkuar pranë vendngjarjes në momentin kur i është afruar makina e autorit ose autorëve të përfshirë.Fillimisht, Backa ka mbetur i plagosur dhe është dërguar menjëherë në spitalin rajonal të Fierit, por fatkeqësisht nuk ka arritur t’i mbijetojë plagëve të marra.Informacion paraprakSot rreth orës 20:40, në vendin e quajtur “Rrethrrotullim i QTU_së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të mara ka ndërruar jetë në spitalin e Fierit.Menjëherë shërbimet e Komisariatit të Policisë Fier, Forca e Posacme “Shqiponja” dhe 2 grupe te FNSH kanë shkuar në vendngjarje dhe po krehin zonën për kapjen e autorit.Ndërkohë janë ngritur disa pika kontrolli në hyrje dhe dalje të qytetit të Fierit.Në fshatin Daullas është gjetur e djegur një makinë tip “Benz” e cila dyshohet se është e autorëve të ngjarjes.Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit/ve.

Ne emer te sofres fierake shprehim ngushellime per humbjen e Demit familjareve dhe miqeve te tij….

Horoskopi për ditën e diel, ja shenjat që përjetojnë emocione të bukura

Horoskopi për ditën e diel, ja shenjat që përjetojnë emocione të bukura

Dashi

Në dashuri, lidhje të bukura mund të lindin me njerëz të shenjës së Binjakëve dhe Ujorit. Nga ana tjetër, në punë keni projekte të mëdha, por jo gjithmonë duhet t’i bëni sipas mënyrës tuaj, dëgjoni dhe mendimin e të tjerëve.

Demi

Në dashuri ekzistojnë disa probleme të brendshme, por ato do të zgjidhen së shpejti. Në punë, kushtojini vëmendje investimeve, por mos bëni hapin më të gjatë, shtroni këmbët sa keni jorganin.

Binjakët

Në dashuri, deri nga mesi i nëntorit do të jeni në qendër të disa sikleteve të pazgjidhura. Në punë, edhe nëse ia dilni gjithmonë, kushtojini vëmendje praktikave ligjore.

Gaforrja

Emocione të bukura në pamje të parë: Venusi dhe Hëna janë të favorshme. Në aspektin e punës, përpiquni të çoni gjërat përpara sepse të enjten dhe të premten do të ketë një rënie.

Luani

Në dashuri, dita e diel duket se do të jetë mjaft e qetë, nuk pritet të ketë trazira të mëdha. Në punë, nga ana tjetër, përpiquni të qëndroni të qetë dhe të mos rrezikoni vetëm e vetëm sepse ndjeni dëshirën për t’u përfshirë.

Virgjëresha

Në dashuri është koha e duhur për të vendosur se çfarë të bëni dhe nëse është e përshtatshme të braktisni disa ndjenja. Në punë, nga ana tjetër, është i mundur pak stres që ju është shkaktuar nga çështje ligjore.

Peshorja

Edhe nëse historitë e lindura në shtator kanë potencial në këtë periudhë fund tetori, ju jeni mjaft të hutuar. Në punë, megjithatë, kërkesat tuaja tani mund të pranohen.

Akrepi

Nëse keni diçka për t’i thënë partnerit/es, bëjeni, mos shtyni asnjë sqarim për pas të dielës 24. Në punë, nga ana tjetër, përpiquni të mbyllni një mosmarrëveshje të hapur prej disa kohësh.

Shigjetari

Mos e nxisni stresin në dashuri duke vënë në dyshim marrëdhënien tuaj me partnerin. Në punë, marrëveshjet e reja mund t’ju ndihmojnë të zhvilloni projekte premtuese.

Bricjapi

Për çiftet është një moment pozitiv, po vijnë biseda të çmuara. Në punë, megjithatë, ju po kërkoni alternativa të vlefshme për rolin tuaj aktual.

Ujori

Për ndjenjat do të doja t’i kushtoja vëmendje kësaj të diele dhe ju sugjeroj të përkushtoheni. Në punë, mund ta gjeni veten duke zgjidhur mosmarrëveshjet me një shef, por kujdes, përpiquni të mos e humbni durimin.

Peshqit

Në dashuri, mos ushqeni polemika të panevojshme. Në punë, ka pak lodhje, përpiquni të kushtoni pak kohë dhe për veten tuaj.

Vritet në një goditje ajrore amerikane një udhëheqës i lartë i al-Kaidës

Një udhëheqës i lartë i Al-Kaidës u vra nga një sulm me dron i ushtrisë amerikane në Siri, sipas Komandës Qendrore të Shteteve të Bashkuara.

Zëdhënësi i komandës së ushtrisë amerikane, majori John Rigsbee tha në një deklaratë se vrasja e Abdul Hamid al-Matarit “do të dëmtojë aftësitë e organizatës terroriste për të organizuar dhe kryer sulme globale që kërcënojnë qytetarët amerikanë, partnerët tanë dhe civilët e pafajshëm.”

Sulmi ndodhi dy ditë pasi u sulmua një bazë amerikane në Sirinë jugore. Ai nuk shkaktoi viktima mes forcave amerikane. Major Rigsbee nuk tha nëse godtja e së premtes ishte si kundërpërgjigje ndaj atij sulmi.

Një sulm ajror amerikan në shtator shkaktoi vrasjen e një udhëheqësi tjetër të lartë të al-Kaidës pranë Idlibit në Sirinë veriperëndimore.

Disa informacione në këtë artikull janë marrë nga agjencitë për këtë raport erdhën nga AFP, Associated Press dhe Reuters.

“I kanë rrëmbyer popullit Qendrën Kulturore në Ksamil”, kompozitori i njohur Dizdari proteston përballë Kryeministrisë: Ia kanë dhënë rrugaçëve!

Kompozitori i njohur, Limos Dizdari ka protestuar ditën e sotme përballë Kryeministrisë për atë që ai e cilëson se ia kanë “rrëmbyer” popullit Qendrën Kulturore “Dea” në Ksamil për të cilën thotë se gjatë 23 viteve ka investuar rreth 900 mijë euro.

Gjatë një interviste për mikrofonin e “Fax News”, Dizdari thotë se pushteti ia ka dhënë disa njerëzve rrugaçë që nuk kanë lidhje me artin.

“Nëse duhet të bëhet ankand më fto mua që kam investuar pastaj të tjerët. Nuk është e imja Qendra Kulturore “Dea” por është e popullit. Cfarë janë këta njerëz që mund të shesin dhe të blejnë cfarë të duan. Është e vetmja Qendra Kulturore që e kam mirëmbajtur për 23, kanë qenë 154 të tjera, ku janë të tjerat? E vetmja që kanë ngelur është Qendra Kulturore “Dea” këto janë vlera të popullit. Janë të gjithë në gjyq, proceset gjyqsore nuk duan që t’i bëjnë. Unë kur vij në Tiranë që të kuroj time shoqe aty futen vandalë për të prishur. E di cfarë dëmesh kanë bërë? Vetëm bibloteka “Migjeni” ka gati 10 mijë tituj librash, ska asgjë.

Kujt ja japin këta, ja kanë dhënë një kompania që ka gazin e lëngshëm, ca lidhje ka ai me artin dhe kulturën? unë kam 23 vite që e ndërtova dhe e rrita një vajzë që tja jap popullit tim, jo t’ia japim rrugaçëve. Unë i marr me mend gjitha këto janë gjëra të pista, 42 letra i kam dërguar zotiti Rama dhe instiutucioneve të tij, kanë gjetur mënyrën më të shëmtuar për të heshtur. unë prandaj jam këtu dhe do më gjeni gjithmonë këtu. këtu ka disa pamje të këqija pasi këtu u vranë 4 njerëz, skam për tu larguar që këtu. Kam 23 vite dhe aty kam bërë 900 mijë euro, qendra ka 5 piano. Ne nuk tregtojmë marjuanë, atë luhet arti, nuk ka gjë më të bukur në qendrën kulturore në qendrën “Dea”. Ata që e kanë marrë nuk e njohin. Ne bëjmë diskutime krijuese, bëjmë diskutime me poet shkrimtarë, mbrëmje koncerte, mbrëmje baleti, teatër gjithçka që ka lidhje me kulturën. Bëjmë 550 vjetorit të vdekjes së Skënderbeun, 50 vjetorin e vdekjes së Nolit.

Nuk ka brengë më të madhe unë i kam urryer fëmijët rrugacë, që kur ishin fëmijë prishnin gjithcka dhe tanin janë rritur prap njësoj. Ata merrnin shkopin i prishnin koshin bletës që bënte mjaltë. Në Ksamil ka 5 mijë banorë dhe kemi bërë teatër opera që kur të vish ti të bësh pushime pasi lahesh në mbrëmje të vish në një koncer popullore dhe muzikës klasike. Unë do të vazhdoj të jem këtu deri sa kjo punë të zgjidhet, këtu ku jam duhet të vijnë të më takojnë në Bulevardin Dëmorët e Kombit”, tha Dizdari. 

Vrasjet aksidentale në sheshxhirim/ Hitoritë tragjike të filmave në Hollywood

Hollivudi është vendi i besimit, por spektri shumë i vërtetë i vdekjes mund të rri pezull mbi televizion dhe filma.

Vdekja e drejtoreshës së fotografisë 42-vjeçare Halyna Hutchins gjatë punës në filmin “Rust” në New Mexico pasi aktori Alec Baldwin shkrepi një është vetëm tragjedia më e fundit në xhirim. Ka pasur raste të shumta të vdekjeve të anëtarëve të stafit dhe kastit, përfshirë një grua që vdiq ndërsa performonte në xhirimet e “Deadpool 2” në 2017.

Anëtarët e kastit kanë vdekur gjithashtu nga aksidentet gjatë prodhimit, duke përfshirë:

Brandon Lee

Në vitin 1993, Brandon Lee, ishte duke filmuar skenat e fundit të filmit “The Crow” kur vdiq pasi u qëllua me një armë replika e asaj origjinales e cila kryen të njëjtin funksion.
Aktori Michael Massee, i cili luante rolin e tregtarit të drogës Funboyin në film, qëlloi në drejtim të Lee gjatë një skene e cila me një armë që më vonë u zbulua se ishte mbushur në mënyrë të parregullt.
Plumbat bedel ishin zëvendësuar me vasë kartoni, por një fragment plumbi ishte shkëputur dhe kishte mbetur në armë. Ajo majë metalike nga plumbi goditi barkun e Lee. Djali i mjeshtrit dhe aktorit të njohur të arteve marciale Bruce Lee ishte 28 vjeç.

Jon-Erik Hexum

Jon-Erik Hexum u bë i famshëm në vitin 1982 pasi rrëmbeu rolin kryesor të Phineas Bogg në serialin NBC “Voyagers!”.
Aktori i gjatë dhe jashtëzakonisht i pashëm ishte një yll në rritje dhe së shpejti u vendos për të luajtur rolin e Mac Harper, një operativ i CIA-s, i cili paraqitet si një model mashkull në serialin televiziv “Cover Up”. Gjatë xhirimeve, Hexum thuhet se po luante me një armë prop arm nga një skenë dhe qëlloi veten në kokë. Plumbi klaoi në një pjesë të kafkës së tij në tru dhe ndërroi jetë një javë më vonë. Karakteri i tij më vonë u hoq nga shfaqja.

Vic Morrow

Victor Morrow pati një karrierë të gjatë si aktor dhe regjisor në kohën kur e gjeti veten duke luajtur në “Twilight Zone: The Movie” në 1982.
Morrow po luante një racist që është kthyer pas në kohë dhe i vendosur në situata në të cilat është i persekutuar. vNë një skenë të drejtuar nga John Landis, aktori dhe dy fëmijë aktorë, 7-vjeçarja Myca Dinh Le dhe 6-vjeçarja Renee Shin-Yi Chen, po filmoheshin duke ikur nga një fshat vietnamez gjatë luftës së Vietnamit. Helikopteri i ushtrisë fluturoi mbi ta. Helikopteri u rrëzua pas një shpërthimi piroteknik, duke u ulur në Morrow, 53 vjeç dhe fëmijët që u vranë. Landis, piloti dhe tre të tjerë u akuzuan për vrasje të pavullnetshme. Ata u liruan të gjithë pas një gjyqi të profilit të lartë që zgjati pothuajse nëntë muaj.

Horoskopi për ditën e shtunë

Horoskopi për ditën e shtunë

Dashi

Pasi keni zgjidhur një çështje partnershipi tani mund të shikoni para dhe të punoni për të mirën e përbashkët. Ajo që do bëni bashkë do të jetë më me përfitim se çfarëdo të bëni ndarazi.

Demi

Me lëvizjen e diellit drejt shenjës suaj të kundër nesër, do të kuptoni se shumë njerëz bëhen më kërkues nga sa janë zakonisht. A do ua jepni atë që do ju kërkojnë?

Binjakët

Nuk ka asnjë arsye pse kohët e gëzueshme të javëve të fundit të mos vazhdojnë gjatë të gjithë vitit. Megjithatë, duhet të bëheni më seriozë në çështjet e punës të cilat deri më tani i keni injoruar.

Gaforrja

Me lëvizjen e diellit në zonën më dinamike të shenjës suaj, do të keni uri për të nisur një shkallë aktivitetesh të reja. Nëse keni talent për diçka, duhet të bëni më shumë për të.

Luani

Rizistojini thirrjes për të vendosur një ultimatum të çfarëdollojshëm pasi do të
refuzoheni, dhe nga ana tjetër krenaria juaj do të dëmtohet. Ka mënyra të tjera për të marrë çfarë dëshironi.

Virgjëresha

Po afron koha që të mos jeni nervozë sa i takon punës dhe financave tuaja. Rrethojeni veten me njerëz që dinë të qeshin dhe të shijojnë jetën.

Peshorja

Nëse dikush përpiqet t’ju bëjë të nxitoni në marrjen e një vendimi, duhet të këmbëngulni që të merrni të gjithë kohën e nevojshme. Me shumë gjasa ata janë të paduruar, por mund të jenë duke shpresuar që ju të bëni një gabim.

Akrepi

Një cikël i ri diellor nis nesër dhe dielli do të sjellë mundësi të reja për ju në javët
në vijim. Jepi krahë ambicies tënde dhe mos e kufizo.

Shigjetari

Mund të dëshironi të tërhiqeni nga pengesat e përditshmërisë ditët në vijim. Aktiviteti kozmik do ju inkurajojë të shpenzoni më shumë kohë vetën dhe më pak kohë me njerëz të zhurmshëm.

Bricjapi

Është diçka të keni opinione të forta rreth ambicieve të ditës, dhe diçka tjetër t’i
përdorësh ato për të bërë ndryshime. Duhet të mësoni të merrni vendime dhe t’i zbatoni me shpejtësi.

Ujori

Lëvizja e diellit në drejtim të shenjës suaj që sundon mbi statusin tuaj profesional
nënkupton se kjo është koha për sfida të reja. Vendosni çfarë sfidash janë më të mira për ju, dhe më pas bëni gjithçka t’i arrini.

Peshqit

Rritja e ndikimit të diellit në shenjën tuaj do i japë krahë mendimeve për pushime. Nisni të planifikoni pushimet e radhës, edhe nëse puna nuk ua lejon për momentin.

Brenda laboratorit të Bitcoin në Krujë

Vjedhja e energjisë në Krujë, ka çuar në zbulimin e një laboratori që përdorej për prodhimin e Bitcoin në Krujë.OSHEE mësohet se ka zhvilluar një operacion mëngjesin e sotëm në një objekt pasi dyshohet për vjedhje energjie. Pasi kanë kontrolluar lidhjet elektrike, grupi i OSHEE kanë zbuluar se në këtë godinë kishte ndërhyrje në rrjet dhe vidhej energjia.

Lidhur me këtë punonjësit e OSHEE kanë zbuluar edhe laboratorin me pajisjet që përdoreshin për të prodhuar Bitcoin. Të prodhosh bitcoin, përveç kostos së madhe të pajisjeve, kosto ka edhe energjia elektrike që u duhet për të punuar.

Bitcoin është monedha virtuale e prodhuar në vitin 2008 nga Satoshi Nakamoto, një nofkë ende e pazbuluar. Qëllimi i tij ishte që bota të përdorte pagesat në internet pa bankë dhe karta krediti por përmes kriptomonedhës. Monedha virtuale është një kod kompjuterik që mirëmbahet përmes “Blockchain” që është teknologjia që bën mirëmbajtjen e Bitcoin. Prodhimi i kodeve quhet mining dhe ambienti ku vendosen aparaturat e Bitcoin quhet “fermë”. Sot në tregjet botërore vlera e një Bitcoin-i ka arritur në çmimin rekord prej 45929.07 euro për një monedhë virtuale, e cila mund të përdoret për të blerë aksione në bursa apo pasuri virtuale. Më poshtë fotot e pajisjeve me të cilat mund të fitohen para duke i vënë në punë për mirëmbajtjen e rrjetit të Bitcoin.

Rama paralajmëron sanksione për kryetarët: Ju marrim bashkinë dhe shkoni në prokurori

Kryeministri Edi Rama ka paralajmëruar sanksione për bashkitë që nuk pastrojnë plehrat. Në mbledhjen me kryebashkiakët, Rama tha se do të shkojnë deri aty sa atë marrin nën administrim bashkinë dhe kryetari të përfundojë në prokurori.

“Ne do të ecim edhe me sanksione që do të shkojë  deri në marrjen në administrim të bashkive, me çuarjen e kryetarit në prokurori. ky do të jetë fundi i rrugëtimit të përbashkët nëse nuk do të gjejmë partnerët e duhur në territor që do ta bëjnë natën ditë që të garantojnë që në sezonin e ardhshëm Shqipëria të jetë shembull i pastërtisë. Nuk i kushtin asgjë askujt”, tha Rama.

Kreu i qeverisë u tërhoqi vëmendjen kryebashkiakëve për vendgrumbullimet e paligjshme të mbetjeve, ndërsa tha se qeveria do të ndërhyjë në buxhet. Sipas kryeministrit, nuk do të miratohet buxhet nëse në të nuk parashikohet pastrimi.

Ndër bashkitë më të kritikuara nga Rama është Himara dhe kampione Lezha.